ينستاگرام جەلىسىندە «ەلباسىنىڭ ءبىر كۇنى» كورسەتىلدى - كەسكىن
ق ر پرەزيدەنتىنىڭ تەلەراديوكەشەنى دايىنداعان ءبىر مينۋتقا جۋىق ۆيدەو- جيناقتا 2017 -جىلدىڭ 3 -ءساۋىرى كۇنگى وقيعالار كورسەتىلگەن - ەلباسى نۇرسۇلتان نازاربايەۆتىڭ باكۋگە رەسمي ساپارى، ازەربايجان مەملەكەتىنىڭ باسشىسى يلحام اليەۆپەن كەزدەسۋى جانە اقتاۋعا جۇمىس ساپارى.
ەسكە سالايىق، 3 -ءساۋىر كۇنى باكۋگە رەسمي ساپارمەن بارعان نۇرسۇلتان نازاربايەۆتى ازەربايجان پرەزيدەنتى يلحام اليەۆ «زاگۋلبا» رەزيدەنسياسىندا قابىلدادى. وسى كۇنى ەكى ەلدىڭ ۇكىمەتتەرى اراسىندا ءتۇرلى سالالار بويىنشا ءبىرقاتار قۇجاتتارعا قول قويىلدى.
قازاقستان پرەزيدەنتى نۇرسۇلتان نازاربايەۆ ازەربايجان مەن قازاقستان اراسىنداعى ىنتىماقتاستىق پەن دوستىق قاتىناستى دامىتۋعا قوسقان ەرەكشە ۇلەسى ءۇشىن «گەيدار اليەۆ» وردەنىمەن ماراپاتتالدى. ال كۇننىڭ ەكىنشى جارتىسىندا ەلباسى اقتاۋدا جۋىردا عانا سالىنعان «ماڭعىستاۋ ارەنا» كوپبەيىندى سپورت كەشەنىندە بولدى. وندا ول وبلىس سپورتشىلارىمەن جانە جاستارمەن جۇزدەستى. سونداي-اق 3 -ءساۋىر كۇنى مەملەكەت باسشىسى ۇلتتىق ۆاليۋتانى قولدانۋ تۋرالى جارلىققا وزگەرىس ەنگىزەتىن قاۋلىعا قول قويدى.
اۆتور: ميرا تولەندى قىزى
