جولدىڭ قارسى جولاعىنا شىعىپ كەتكەندەردى جۇرگىزۋشى كۋالىگىنەن ايىرۋ جازاسى ەنگىزىلەدى
بۇل تۋرالى بۇگىن ق ر پارلامەنتى ماجىلىسىندە «جول قوزعالىسى تۋرالى» ق ر زاڭىنا وزگەرىستەر ەنگىزۋ تۋرالى» زاڭ جوباسىن تالقىلاۋ بارىسىندا دەپۋتات قانات مۋسين ءمالىم ەتتى، دەپ حابارلايدى قازاقپارات.
«ءبىز زاڭنامادا تىيىم سالىنعان جولدىڭ قاراما- قارسى جولاعىنا شىعۋ تۋرالى نورمانى كۇشەيتەيىك دەپ شەشتىك. بۇل رەتتە قاراما- قارسى جولاققا شىعىپ بۇرىلىس جاساۋ دا جۇرگىزۋشى كۋالىگىنەن ايىرۋعا الىپ كەلەدى»، - دەدى ول.
سونىمەن قاتار قانات مۋسين موتو شلەم كيۋ ماسەلەسىنە دە توقتالىپ ءوتتى.
«زاڭدا موتوتسيكلمەن ءجۇرىپ كەلە جاتقاندا جۇرگىزۋشىدە، جولاۋشىدا موتو شلەمدى كيۋىن مىندەتتەۋ تۋرالى تالاپ ەنگىزىلەدى»، - دەدى دەپۋتاتى.
ونىڭ سوزىنە قاراعاندا، بۇعان دەيىن اتالعان نورما جول قوزعالىسى ەرەجەسىندە عانا بولعان. ەندىگى ۋاقىتتا ول زاڭعا ەنگىزىلەدى. جالپى، دەپۋتاتتار اتالعان زاڭعا ەنگىزىلۋى ءتيىستى 120-دان استام تۇزەتۋدى قاراستىرعان. ناتيجەسىندە ونىڭ 55- ءى قالىپ وتىر. زاڭدا جول ءجۇرىسى ەرەجەسىن بۇزعانى ءۇشىن اكىمشىلىك ايىپپۇلداردى ازايتۋ، قۇجاتتاردى تەكسەرۋ بارىسىندا كولىك جۇرگىزۋشىگە فوتو جانە بەينەءتۇسىرىلىم جاساۋعا رۇقسات بەرۋ، كۇندىزگى ۋاقىتتا ەلدى مەكەندەر ىشىندە جۇرگەن كەزدە كولىكتىڭ جاقىن جارىعىن قوسۋ مىندەتىن الىپ تاستاۋ، ىشكى ىستەر ورگاندارىنىڭ قىزمەتكەرلەرى توقتاتقان جاعدايدا ونىڭ رۇقساتىنسىز جولاۋشىلاردىڭ كولىكتەن شىعۋعا تىيىمدى الىپ تاستاۋ، جۇرگىزۋشى كۋالىگىنىڭ جارامدىلىق مەرزىمى ءوتىپ كەتكەن جاعدايدا قايتا ەمتيحان تاپسىرۋ تالابىن الىپ تاستاۋ كوزدەلگەن.
«ۇسىنىلىپ وتىرعان وزگەرتۋلەر مەن تولىقتىرۋلار قوعام ءۇشىن ماڭىزدى ءارى دۇرىس قابىلدانادى دەپ ءۇمىت ارتامىز»، - دەدى مۋسين.
ايتا كەتەيىك، بۇعان دەيىن قازاقستاندا جۇرگىزۋشى كۋالىگىنىڭ مەرزىمى وتكەن جاعدايدا قايتا ەمتيحان تاپسىرۋ جويىلاتىندىعىن حابارلاعان بولاتىنبىز. سونداي- اق ەلىمىزدە كولىكتىڭ ادەمى مەملەكەتتىك نومىرلەر ءتىزىمى كەڭەيتىلمەك. نومەرلەرگە ساندىق جانە ارىپتەستىك جاڭا تىركەستەر قوسىلادى.
