شەكارا ايماعىنداعى جەر كاسىپكەرلەرگە بەرىلمەيدى - ا ش م

استانا. قازاقپارات - شەكارا ايماعىنداعى جەر كاسىپكەرلەرگە بەرىلمەيدى. بۇل تۋرالى بۇگىن ورتالىق كوممۋنيكاتسيالار قىزمەتىندەگى جەر قاتىناستارىن رەتتەۋ ماسەلەلەرى بويىنشا زاڭناماعا ەنگىزىلگەن وزگەرتۋلەر تۋرالى باسپا ءسوز ءماسليحاتىندا ق ر  ا ش م جەر رەسۋرستارىن باسقارۋ كوميتەتى ءتوراعاسىنىڭ ورىنباسارى گۇلجاحان بيمەندينا ءمالىم ەتتى،

 دەپ حابارلايدى «قازاقپارات» ح ا ا ءتىلشىسى.

 «شەكارا بەلدەۋلەرىندە ەشقانداي جەر ۋچاسكەلەرى بەرىلمەيدى (...) اتالعان اۋماقتاعى جەرلەر سوندا ءومىر سۇرەتىن حالىق قاجەتتىلىگىنە عانا بەرىلەدى. بىزدە شەكارا بەلدەۋىندە ورنالاسقان 2-3 اۋىل بار. سول اۋىلدىڭ تۇرعىندارىنا جەردى اۋىل شارۋاشىلىق ماقساتىندا جالعا الۋعا رۇقسات بەرىلگەن. ال شەكارا بەلدەۋلەرىندەگى جەردى كاسىپكەرلىكتى دامىتۋ ماقساتىندا جالعا بەرۋگە مۇلدەم تىيىم سالىنادى»، - دەدى گ. بيمەندينا.

بۇعان دەيىن مەملەكەتتىك شەكارا بەلدەۋىندە جانە شەكارا ايماعىندا ورنالاسقان جەر تەلىمدەرىن شەتەلدىكتەرگە، شەتەلدىكتەرمەن نەكەگە وتىرعان ازاماتتارعا، شەتەلدىك زاڭدى تۇلعالارعا جانە شەتەلدىكتەردىڭ قاتىسۋى بار زاڭدى تۇلعالارعا جالعا بەرۋگە تىيىم سالىنعانى حابارلانعان ەدى. سونىمەن بىرگە، زاڭ جوباسىندا قازاقستاندىقتارعا اۋىل شارۋاشىلىعى جەرلەرىن كونكۋرستىق نەگىزدە جالعا بەرۋ جانە بەرىلەتىن جەر اۋماعىنىڭ ەڭ جوعارعى مولشەرىن بەلگىلەۋ قاراستىرىلعان.

 اۆتور: ايجان سەرىكجان قىزى