ەرلان باتتاقوۆ ق ر پرەزيدەنتى ءىس باسقارۋشىسىنىڭ ءبىرىنشى ورىنباسارى بولدى

استانا. قازاقپارات - مەملەكەت باسشىسىنىڭ وكىمىمەن ەرلان ەركىن ۇلى باتتاقوۆ قازاقستان رەسپۋبليكاسى پرەزيدەنتى ءىس باسقارۋشىسىنىڭ ءبىرىنشى ورىنباسارى بولىپ تاعايىندالدى،

دەپ حابارلادى بۇگىن اقوردانىڭ باسپا ءسوز قىزمەتى.

ول قازاقستان رەسپۋبليكاسى پرەزيدەنتى ءىس باسقارۋشىسىنىڭ ورىنباسارى قىزمەتىنەن بوساتىلدى.

**

ەرلان ەركىن ۇلى باتتاقوۆ 1969 -جىلى 9 - قازاندا قاراعاندى قالاسىندا دۇنيەگە كەلگەن. 1992 - جىلى قاراعاندى پوليتەحنيكالىق ينستيتۋتىن «قۇرىلىس بۇيىمدارى مەن كونسترۋكتسيالار ءوندىرىسى» ماماندىعى بويىنشا ءتامامداعان. 1997 - جىلى قازاقستان رەسپۋبليكاسى مەملەكەتتىك ستاتيستيكا كوميتەتى مەن ەڭبەك مينيسترلىگىنىڭ رەسپۋبليكالىق سالاارالىق بىلىكتىلىكتى جوعارىلاتۋ ينستيتۋتىن «بۋحالتەرلىك ەسەپ جانە اۋديت» ماماندىعى بويىنشا بىتىرگەن.

ەڭبەك جولىن 1992 -جىلى قاراعاندى پوليتەحنيكالىق ينستيتۋتىندا قۇرىلىس بۇيىمدارى مەن كونسترۋكتسيالار ءوندىرىسى كافەدراسىنىڭ زەرتتەۋشى قىزمەتكەرى بولىپ باستاعان. 1995 -جىلى «الاتاۋ ينۆەست» ينۆەستيتسيالىق وندىرىستىك قورىنىڭ باس مامانى. 1996 -جىلى قازاقستان رەسپۋبليكاسىنىڭ ۇلتتىق باعالى قاعازدار جونىندەگى كوميسسياسى باعالى قاعازدار نارىعىن رەتتەۋ باسقارماسىنىڭ مامانى، باعالى قاعازدار نارىعىنداعى كاسىبي قىزمەتتى ليتسەنزيالاۋ ءبولىمىنىڭ باستىعى لاۋازىمىن اتقارعان. 1996-2007 -جىلدارى «ازىق- تۇلىك كەلىسىم- شارت كورپوراتسياسى» ا ق- نىڭ باس مامانى، ءبولىم باستىعى، باسقارما باستىعى، قارجىلىق ديرەكتورى. 2007-2008 -جىلدارى قازاقستان رەسپۋبليكاسى پرەزيدەنتى ءىس باسقارماسىنىڭ بيۋدجەتتىك باعدارلامالاردى جوسپارلاۋ جانە قارجىلاندىرۋ ءبولىمى قارجى - تالداۋ سەكتورىنىڭ مەڭگەرۋشىسى. 2008-2010 -جىلدارى قازاقستان رەسپۋبليكاسى پرەزيدەنتى ءىس باسقارماسىنىڭ بيۋدجەتتىك باعدارلامالاردى جوسپارلاۋ جانە قارجىلاندىرۋ ءبولىمىنىڭ مەڭگەرۋشىسى. 2010-2012 -جىلدارى قازاقستان رەسپۋبليكاسى پرەزيدەنتىنىڭ ءىس باسقارماسى قارجى- ەكونوميكالىق ءبولىمىنىڭ مەڭگەرۋشىسى. 2012 -جىلدىڭ قىركۇيەگىنەن باستاپ وسى تاعايىنداۋعا دەيىن قازاقستان رەسپۋبليكاسى پرەزيدەنتى ءىس باسقارۋشىسىنىڭ ورىنباسارى بولدى.

***

قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ وكىمىمەن قانات ورازقۇلوۆ ق ر پرەزيدەنتى ءىس باسقارۋشىسىنىڭ ورىنباسارى بولىپ تاعايىندالدى، ول قازاقستان رەسپۋبليكاسى مەملەكەتتىك كۇزەت قىزمەتى باستىعىنىڭ ورىنباسارى قىزمەتىنەن بوساتىلدى.

 بۇل تۋرالى اقوردانىڭ باسپا ءسوز قىزمەتى حابارلادى.

 گەنەرال- مايور قانات ورىنتاي ۇلى 1970 -جىلى 27 - قاراشادا جامبىل وبلىسى مويىنقۇم اۋدانى فۋرمانوۆكا اۋىلىندا تۋىلعان. 1993 -جىلى قازاق اۋىل شارۋاشىلىق ينستيتۋتىن «ورمان شارۋاشىلىعى» ماماندىعى بويىنشا بىتىرگەن. 2002 -جىلى ءال- فارابي اتىنداعى قازاق ۇلتتىق ۋنيۆەرسيتەتىن «قۇقىق تانۋ» ماماندىعى بويىنشا بىتىرگەن. ق ر پرەزيدەنتى كۇزەت قىزمەتىنىڭ قۇرمەتتى قىزمەتكەرى.

ەڭبەك جولىن 1993 -جىلى الماتى وبلىسى ەڭبەكشىقازاق اۋدانىنىڭ تۇرگەن تەرى- ورمان شارۋاشىلىعى ەسىك ورمانشىلىعىندا مامان بولىپ باستاعان.

1994 -جىلعى مامىردا ق ر  ۇ ق ك ورگاندارىنا اسكەري قىزمەتكە قابىلدانعان. 1994 -جىلدان 1997 -جىلعا دەيىنگى كەزەڭدە ق ر  ۇ ق ك الماتى قالاسى جانە الماتى وبلىسى بويىنشا باسقارماسىنىڭ بولىمشەلەرىندە قىزمەت وتكەرگەن.

1997 -جىلعى قازاننان قازاقستان رەسپۋبليكاسى پرەزيدەنتى كۇزەت قىزمەتىنىڭ كادر، ساپارلاردى جانە ق ر پرەزيدەنتتىڭ جەكە قاۋىپسىزدىگىن قامتاماسىز ەتۋ بولىمشەلەرىندە ءارتۇرلى وفيتسەرلىك جانە باسشى لاۋازىمداردا قىزمەت وتكەرۋدى جالعاستىرعان.

2009 -جىلى قازاقستان رەسپۋبليكاسى پرەزيدەنتىنىڭ وكىمىمەن قازاقستان رەسپۋبليكاسى پرەزيدەنتى كۇزەت قىزمەتى باستىعىنىڭ ورىنباسارى بولىپ تاعايىندالعان.

 2014 -جىلعى ساۋىردە قازاقستان رەسپۋبليكاسى پرەزيدەنتىنىڭ وكىمىمەن قازاقستان رەسپۋبليكاسى مەملەكەتتىك كۇزەت قىزمەتى باستىعىنىڭ ورىنباسارى بولىپ تاعايىندالدى.

«ەلباسى قورعانى» توسبەلگىسىمەن، «جاۋىنگەرلىك ەرلىگى ءۇشىن» مەدالىمەن، ق ر پرەزيدەنتىنەن جانە ق ر پرەزيدەنتى اكىمشىلىگىنىڭ باسشىسىنان العىستارمەن، ون ەكى مەدالمەن، ق ر ۇ ق ك قۇرمەت گراموتاسىمەن، ق ر پ ك ق العىستارىمەن جانە گراموتاسىمەن ماراپاتتالعان.

ۇيلەنگەن، ەكى قىزىن تاربيەلەپ وتىر.