اقپارات جانە كوممۋنيكاتسيالار مينيسترلىگى جاھاندىق كوشباسشى مەدياكورپوراتسياسىمەن مەموراندۋم جاساستى
بۇل تۋرالى مينيسترلىكتىڭ باسپا ءسوز قىزمەتى حابارلادى. تاراپتار ەكىجاقتى ىنتىماقتاستىقتىڭ بولاشاعى مەن بىرلەسكەن جوبالاردى جۇزەگە اسىرۋ مۇمكىندىگىن تالقىلادى.
كەزدەسۋ ناتيجەسىندە قازاقستان رەسپۋبليكاسى اقپارات جانە كوممۋنيكاتسيالار مينيسترلىگى مەن BBC Worldwide كورپوراتسياسى اراسىنداعى مەموراندۋمعا قول قويىلدى.
مەموراندۋم اياسىندا رەداكسيالىق جوسپارلاردى الماسۋعا باعىتتالعان بىرلەسكەن جوبالاردى ىسكە اسىرۋ، دوڭگەلەك ۇستەلدەر وتكىزۋ، ۇلتتىق جانە ايماقتىق ب ا ق ءۇشىن لەكتسيالار ۇيىمداستىرۋ، سونىمەن قاتار قازاقستاننىڭ تۋريستىك جانە ينۆەستيتسيالىق الەۋەتىن ىلگەرىلەتۋ جوسپارلانعان.
سونىمەن قاتار، مەموراندۋمدا نەگىزگى باعىتى سيفرلىق ەفيرلىك حابار تاراتۋعا كوشۋ اياسىندا قازاقستاندىق تەلەارنالاردىڭ تەحنيكالىق دامۋى بويىنشا بىرلەسكەن كەڭەس بەرۋدى جۇرگىزۋ، اقپارات مەن تاجىريبە الماسۋ بولىپ تابىلاتىن جۇمىس توبىن قۇرۋ قاراستىرىلادى.
ەسكە سالا كەتسەك، BBC كورپوراتسياسى 1920 -جىلى قۇرىلعان، قازىرگى تاڭدا ب ا ق سالاسىنداعى جاھاندىق كوشباسشى مەدياكورپوراتسيالارىنىڭ ءبىرى.
