ويدا جوقتا قىلمىسكەر اتانىپ كەتكەن وتاندىق ءانشىنىڭ باسى داۋعا قالدى - فوتو
بۇل تۋرالى ونىڭ توپ پروديۋسەرى الۋا قوناروۆا ءوزىنىڭ جەلىدەگى پاراقشاسىندا جازدى.
شوۋ بيزنەستەگى تانىمال توپتاردىڭ ءبىرى "Renzo" توبىنىڭ مۇشەسى جانبولات ەرتايەۆ ويدا جوقتا وسكەمەن قالاسىندا بۇزاقىلىق جاساعانى "سوتتالعانىن" ءبىلىپ قالادى. قىلمىس جاسالعان ۋاقىتتا وسكەمەن قالاسىندا مۇلدەم بولماعان ءانشىنىڭ ايتۋىنشا، ول سول ساتتە قالادا تىپتەن بولماعان كورىنەدى. ال قىلمىستىق ىستەگى بۇزاقىلىق جاسادى دەپ سوتتالعان ادامنىڭ سۋرەتى مۇلدە باسقا بىرەۋدىڭ فوتوسى بولىپ شىققان.
بۇل جايتقا اڭ- تاڭ بولىپ، نارازىلىق تانىتقان ءانشىنىڭ حاتىن الۋا قوناروۆا جاريا ەتتى. ول كوپشىلىكتەن كومەك سۇراپ، بۇلاي بولۋى مۇمكىن دەگەن ساۋال جولدادى.
ەرتايەۆتىڭ ايتۋىنشا، سوتتالعان- سوتتالماعانى تۋرالى انىقتامادا ونىڭ 2016 -جىلعى 23 -ماۋسىمدا قازاقستاننىڭ قىلمىستىق كودەكسى 293-باپ، ياعني بۇزاقىلىق ارەكەت جاسادى دەپ ايىپتالىپ، كىنالى دەپ تاپقان ەكەن.
ول ءوز حاتىندا ءدال سول كۇنى الماتىدا بولعانىن، قىلمىستىق ىستەگى دەرەكتەر شىندىققا جاناسپايتىنىن اشىپ ايتقان. سونىمەن بىرگە، قىلمىستىق ىستەگى قىلمىس جاسادى دەلىنگەن كۇدىكتىنىڭ اتى- ءجونى وزىنىكىمەن سايكەس كەلگەنىمەن، سۋرەتتەگى جىگىت باسقا ادام بولىپ شىققان. سۋرەتتەگى جىگىت ونىڭ كىشكەنتايدان بىرگە وسكەن كورشىسى ەكەن.
شىعىس قازاقستان وبلىسى پروكۋراتۋراسى بولسا، بۇل دەرەك بويىنشا تىركەلگەن قىلمىستىق ءىستى وبلىس پروكۋرورى ءوز باقىلاۋىنا العانىن ايتتى.
ال پروديۋسەر بولسا، ءوز كەزەگىندە، مۇنداي ارەكەتتىڭ قالاي ورىن العانىن جانە مۇنى ىستەگەن جاۋاپتى ادامدار قانداي جاۋاپكەرشىلىككە تارتىلاتىنىن بىلگىسى كەلەتىنىن ايتتى.
"مۇنداي جايت اركىمنىڭ باسىنا تۇسپەسىنە كىم كەپىل؟ "، - دەپ نارازى بولدى ول.
