تۇلكى بالىقشىلاردىڭ قارماعىن ۇرلاپ اكەتتى - كەسكىن

استانا. قازاقپارات - باشقۇرستاندا ستاروسۋبحانگۋلوۆو اۋىلىنىڭ تۇرعىندارى قارماق ۇرلاعان تۇلكىنى ۆيدەوعا ءتۇسىرىپ الدى.

بۇل تۋرالى «باشكورتوستان» مەملەكەتتىك تەلەراديوكومپانياسى حابارلادى. بەلايا وزەنىنىڭ مۇزىن ويىپ، بالىق اۋلاپ وتىرعان بالىقشىلار وزدەرىنە جاقىنداعان اڭدى بايقاعان.

ولار كامەرانى قوسىپ، قارعا ءبىر-ەكى بالىق لاقتىرىپ، اڭدى وزدەرىنە شاقىرا باستادى.

بۇقپانتايلاپ كەلگەن قۋ تۇلكى بالىقتىڭ بىرىنە اۋىز سالعانىمەن قويماي قاسىندا جاتقان قارماقتى قوسا تىستەپ قاشا جونەلدى.

بالىقشىلاردىڭ ءبىرى تۇلكىنى قۋا جونەلدى ءبىراق، ۇرلانعان جابدىقتى قايتارا الدى ما، ول جاعى بەلگىسىز.