قازاقستاندا كولىكتىڭ ادەمى مەملەكەتتىك نومىرلەر ءتىزىمى كەڭەيتىلەدى
بۇل تۋرالى بۇگىن ق ر پارلامەنتى ماجىلىسىندە «جول قوزعالىسى تۋرالى» ق ر زاڭىنا وزگەرىستەر ەنگىزۋ تۋرالى» زاڭ جوباسىن تالقىلاۋ بارىسىندا دەپۋتات قانات مۋسين ءمالىم ەتتى، دەپ حابارلايدى قازاقپارات.
«مەملەكەتتىك سالىقتىڭ جوعارىلاتىلعان ستاۆكاسى الىناتىن ادەمى نومىرلەردىڭ ءتىزىمى كەڭەيتىلەدى. ياعني، سۇرانىس ۇسىنىستى تۋىنداتاتىندىعى بەلگىلى. سوندىقتان بۇل ماسەلەنى شەشۋ بارىسىندا جەمقورلىق تاۋەكەلىن تومەندەتۋ ءۇشىن اتالعان نومىرلەردىڭ ءتىزىمى كەڭەيتىلمەك. ساندىق جانە ارىپتەستىك جاڭا تىركەستەر قوسىلاتىن بولادى جانە سوعان وراي ولاردىڭ مەملەكەتتىك سالىق ستاۆكالارى انىقتالدى»، - دەدى قانات مۋسين.
ونىڭ اتاپ وتۋىنشە، باستاپقىدا ءماجىلىس دەپۋتاتتارى اتالعان زاڭعا ەنگىزىلۋى ءتيىستى 120 دان استام تۇزەتۋدى قاراستىرعان. ناتيجەسىندە ونىڭ 55 ءى قالىپ وتىر. زاڭدا جول ءجۇرىسى ەرەجەسىن بۇزعانى ءۇشىن اكىمشىلىك ايىپپۇلداردى ازايتۋ، قۇجاتتاردى تەكسەرۋ بارىسىندا كولىك جۇرگىزۋشىگە فوتو جانە بەينەتۇسىرىلىم جاساۋعا رۇقسات بەرۋ، كۇندىزگى ۋاقىتتا ەلدى مەكەندەر ىشىندە جۇرگەن كەزدە كولىكتىڭ جاقىن جارىعىن قوسۋ مىندەتىن الىپ تاستاۋ، ىشكى ىستەر ورگاندارىنىڭ قىزمەتكەرلەرى توقتاتقان جاعدايدا ونىڭ رۇقساتىنسىز جولاۋشىلاردىڭ كولىكتەن شىعۋعا تىيىمدى الىپ تاستاۋ، جۇرگىزۋشى كۋالىگىنىڭ جارامدىلىق مەرزىمى ءوتىپ كەتكەن جاعدايدا قايتا ەمتيحان تاپسىرۋ تالابىن الىپ تاستاۋ كوزدەلگەن.
اۆتور: مارلان جيەمباي
