ەرجانات بايقاباي مەن شۇعايىپ سەزىمحاننىڭ ايتىسى - كەسكىن

استانا. قازاقپارات -  ق ح ر حالىق اقىنى، التايدىڭ اساۋ اقىنى ەرجانات بايقاباي جاقىندا اتاجۇرتقا ءبىر جولا ورالعان ەدى. ول كەلە سالا «جۇرەككە تۇسكەن جول» اتتى شىعارماشىلىق كەشىن وتكىزگەن بولاتىن.

 25 - ناۋرىزدا الماتى قالاسىنداعى جامبىل اتىنداعى قازاق مەملەكەتتىك فيلارمونياسىندا وتكەن شىعارماشىلىق كەشتە ەرجانات بايقابايدىڭ «جۇرەككە تۇسكەن جول» اتتى جىر جيناعىنىڭ تۇساۋى كەسىلدى. قازاق پوەزياسىنىڭ اسقاق تۇلعالارىنىڭ ءبىرى جاركەن بودەش ۇلى مەن ەرجاناتتىڭ ولەڭ مەن ونەردەگى ۇستازدارى اقىن قايرات قۇل- مۇحاممەد مەن ءابدىعاني ءبازىلحان ۇلى جانە قازاقستان جازۋشىلار وداعى ءتوراعاسىنىڭ ورىنباسارى جاناربەك ءاشىمجان كىتاپتىڭ تۇساۋىن كەستى. «قامشى» اقپارات اگەنتتىگى ايتىستىڭ ارىستانى بەكارىس شويبەكتىڭ شاكىرتى شۇعايىپ سەزىمحان مەن كەش يەسىنىڭ ايتىسىن وقىرمان نازارىنا ۇسىنادى. ايتا كەتسەك، جامبىل اتىنداعى مەملەكەتتىك فيلارمونياسىندا بولىپ وتكەن شىعارماشىلىق كەشكە تانىمال ونەر جۇلدىزدارى قاتىستى. كەشتى اقىن باقىت بەدەلحان جۇرگىزىپ، قاجىمۇرات شەشەنقۇل، نۇرلان مەن شابا، اققۋ مەن گۇلناز، زيات پەن بيبىگۇل، جانات نۇرسۇلتان سىندى ونەرپاز انشىلەر اقىننىڭ سوزىنە جازىلعان ءبىر قاتار اندەر ورىندادى. سونىمەن بىرگە ت. جۇرگەنوۆ اتىنداعى ونەر اكادەمياسىنىڭ ستۋدەنتتەرى كەش يەسىنىڭ ولەڭدەرىن اسەرلى كومپوزيتسيامەن ارلەدى. كەش يەسى ءوزىنىڭ تولعاۋلارى مەن ولەڭدەرىنەن كورەرمەنىنە شاشۋ شاشتى.