استراحاندا پوليتسەيلەرگە شابۋىل جاساپ، ءولتىردى دەگەن كۇدىكتىلەردىڭ كوزى جويىلدى
بۇل تۋرالى ت ا س س اگەنتتىگىنە استراحان وبلىسى بويىنشا رەسەي گۆاردياسى باسقارماسى حابارلادى. «ولاردى ءبىزدىڭ قىزمەتكەرلەر قورشاپ الدى جانە ارنايى وپەراتسيا بارىسىندا ءولتىردى. وسىلايشا، ءتورت قىلمىسكەردىڭ دە كوزدەرى جويىلدى»، - دەدى باسقارماداعىلار. وبلىستىق ءى ءى م باسقارماسىنىڭ دەرەكتەرىنە سۇيەنسەك، سارسەنبىدەن بەيسەنبىگە قاراعان ءتۇنى جەرگىلىكتى ۋاقىتپەن شامامەن 01:40-تا ىزدەۋ شارالارى بارىسىندا اۆتوكولىكتى توقتاتقان كەزدە رەسەي گۆاردياسىنىڭ قىزمەتكەرلەرىنە بەلگىسىز بىرەۋلەر وق اتقان.
ءۇش پوليتسەي جارالاندى، ونىڭ ءبىرى اۋىر حالدە جاتىر. قارسى وق اتۋ كەزىندە شابۋىل جاساۋشىلاردىڭ ءبىرى مەرت بولىپ، تاعى بىرەۋى جاراقات الدى. بولجام بويىنشا، بۇل شابۋىلدى سەيسەنبى كۇنى پوليتسەيلەرگە وق اتقان كۇدىكتىلەر جاساعان. استراحان وبلىسىنىڭ بيلىگى قازا تاپقان پوليتسەيلەردىڭ وتباسىنا ءبىر ميلليون رۋبل كولەمىندە ماتەريالدىق كومەك كورسەتۋ تۋرالى شەشىم قابىلدادى. سونداي-اق، ءوڭىر باسشىسى الەكساندر جيلكين جول قوزعالىسى قاۋىپسىزدىگى مەملەكەتتىك ينسپەكسياسىنىڭ قىزمەتكەرلەرىن ولتىرۋگە راديكالدى ۆاحابشىلاردىڭ قاتىسى بار ەكەنىن مالىمدەدى.
اۆتور: ايجان سەرىكجان قىزى
