11:58, 06 - ءساۋىر 2017 | GMT +5
ون جاسار اتىراۋلىق دويبىدان قازاقستان چەمپيونى اتاندى
اتىراۋ. قازاقپارات - اقساي اۋىلىنان شىققان 10 جاسار اتىراۋلىق دويبىشى بەكارىس جۇماليەۆ دويبىدان ەلىمىزدىڭ ءتورت دۇركىن چەمپيونى اتاندى، دەپ حابارلايدى «قازاقپارات» ح ا ا ءتىلشىسى.
«دويبىدان ق ر جاستار چەمپيوناتى قاسكەلەندە ءوتتى. بەكارىس بارلىق 9 قارسىلاسىن جەڭىپ شىعىپ، «كلاسسيكا» نوميناتسياسى بويىنشا جەڭىمپاز اتاندى. مەنىڭ وقۋشىم وزىنەن ەكى- ءۇش جاس ۇلكەن بالالارمەن وينادى. وسىعان قاراماستان، بەكارىس ءبىزدىڭ بار ءۇمىتىمىزدى اقتادى»، - دەدى جاس چەمپيوننىڭ باپكەرى بەرىك مولداش.
باپكەردىڭ ايتۋىنشا، سپورتتىق ەرەجەگە سايكەس جۇماليەۆ ق ر سپورت شەبەرى اتاعىن الۋى ءتيىس. ءبىراق، قازاقستاندىق ەرەجە بويىنشا، بۇل اتاق 14 جاستان كەيىن عانا بەرىلەدى. «ازىرگە بۇل ماسەلە قارالىپ جاتىر»، - دەپ حابارلادى مولداش.
