09:30, 06 - ءساۋىر 2017 | GMT +5
الەم ارۋى بايقاۋىنىڭ جەڭىمپازى قالا باستىعى بولىپ تاعايىندالدى
استانا. قازاقپارات - 2009-جىلى «الەم ارۋى» بايقاۋىنىڭ جەڭىمپازى اتانعان 30 جاستاعى كايانە لوپەس ۇلى بريتانيانىڭ تەڭىزدىڭ ار جاعىنداعى تەرريتورياسىنان ورىن تەپكەن پيرەنەي تۇبەگىنىڭ وڭتۇستىگىندەگى گيبرالتاردىڭ مەرى بولدى.
5- ساۋىردە قىزمەتىنە كىرىسكەن ول تىلشىلەرگە بەرگەن سۇحباتىندا ءوزىن بريتاندىق ەكەنىن ماقتان ەتەتىنىن جانە گيبرالتاردىڭ بريتانياعا تيەسىلى بولىپ قالا بەرەتىنىن ايتتى، دەپ حابارلايدى حابار 24.
وسىلايشا لوپەس گيبرالتار تاريحىنداعى ەڭ جاس مەر جانە تاريحتا وسى قىزمەتكە تاعايىندالعان ءۇشىنشى ايەل اتاندى.
ايتا كەتەيىك، ول 2009-جىلى يوحاننەسبۋرگتە وتكەن «الەم ارۋى» بايقاۋىندا الدورينو قىز كەزىندەگى تەگىمەن گيبرالتاردىڭ نامىسىن قورعاعان ەدى.
