گەرمان گرەف پەن دجەك ما استانا قارجى ورتالىعى كەڭەسىنىڭ مۇشەلىگىنە ەنىپ وتىر

استانا. قازاقپارات - «استانا» حالىقارالىق قارجى ورتالىعىنىڭ باسقارۋشى ديرەكتورى ساياسات نۇربەك ورتالىقتىڭ حالىقارالىق باسقارۋشى كەڭەسىنىڭ مۇشەلەرىن جاريا ەتتى،

 دەپ حابارلايدى قازاقپارات.

 «استانا» حالىقارالىق قارجى ورتالىعىنىڭ جوعارى باسقارۋ ورگانى حالىقارالىق باسقارۋشى كەڭەسى بولىپ تابىلادى. ونىڭ ءتوراعاسى - مەملەكەت باسشىسى نۇرسۇلتان نازاربايەۆ. وندا پرەمەر- ءمينيستردىڭ ورىنباسارى، ۇلتتىق ەكونوميكا ءمينيسترى، قارجى ءمينيسترى، ۇلتتىق بانك ءتوراعاسى مۇشەلىك ەتەدى. بارلىق قارجىلىق- ەكونوميكالىق بلوك وسىندا جيناقتالعان.

سونىمەن قاتار حالىقارالىق ۇيىم باسشىلارى دا بار - ەۋروپالىق قايتا قۇرۋ جانە دامۋ بانكىنىڭ ديرەكتورى، حالىقارالىق ۆاليۋتا قورىنىڭ ديرەكتورلار كەڭەسىنىڭ ءتوراعاسى، JP Morgan ديرەكتورلار كەڭەسىنىڭ ءتوراعاسى، رەسەي سبەربانكىنىڭ ءتوراعاسى گەرمان گرەف، «Alibaba Group» كومپانياسىنىڭ ديرەكتورلار كەڭەسىنىڭ باسشىسى دجەك ما. ورتالىقتى باسقارۋ كەزىندە تۋىنداعان اعىمداعى سۇراقتار پايدا بولعان كەزدە، شەتەلدىك ءىرى كومپانيالار، ءىرى بانكتەر مەن حالىقارالىق قارجى ۇيىمدارى وزدەرىنىڭ پىكىرلەرىن اشىق ايتا الادى. ارينە، اتالمىش سۇراقتاردى سارالاي كەلە، تۇپكى شەشىمدى مەملەكەت باسشىسى شىعارادى»، - دەدى ساياسات نۇربەك.

ەسكە سالا كەتەيىك، ۇلت جوسپارىندا ق ر پرەزيدەنتى نۇرسۇلتان نازاربايەۆ استانادا ينۆەستيتسيالىق ماسەلەلەردى شەشەتىن حالىقارالىق اربيتراج ورتالىعىن قۇرۋدى تاپسىرعان بولاتىن. تەك اعىلشىن تىلىندە ءىس جۇرگىزەتىن قارجىلىق سوتتا انگلوساكسوندىق قۇقىق جۇيەسى قولدانىلادى. بۇنىڭ الدىندا، س. نۇربەك استاناداعى حالىقارالىق سوتتا تەك بريتاندىق سۋديالار جۇمىس ىستەيتىندىگىن حابارلاعان بولاتىن.

اۆتور: جاسۇلان جولدىبايەۆ