قازاقستاندا حالىقارالىق اۋىل تۋريزمى جوباسى جۇزەگە اسىرىلماق
دەپ حابارلايدى قازاقپارات.
«بۇگىنگى كۇنى ءبىزدىڭ قاۋىمداستىق اۋىل تۋريزمىن دامىتۋعا باعىتتالعان ۇلكەن حالىقارالىق جوباعا قاتىسىپ جاتىر. وسىدان نە ءبارى ەكى اپتا بۇرىن عانا ءبىز الماتى مەن جامبىل وبلىستارىنا بارىپ، اتالعان جوباعا قىزىقتى بولارلىق ورىن تاڭداپ قايتتىق»، - دەدى ول.
قاۋىمداستىق ۆيتسە- پرەزيدەنتىنىڭ ايتۋىنشا، جوبانى جۇزەگە اسىراتىن ورىن رەتىندە الماتى تۇبىندەگى يۋنەسكو قامقورلىعىنا الىنعان تاڭبالى تاس مەكەنى تاڭداپ الىنعان.
«ول وتە قىزىقتى ورىن بولعانىمەن بۇگىنگى كۇنى ەشقانداي ينفراقۇرىلىمى جوق. جەرگىلىكتى ادامدار دا، شەتەلدىكتەر دە وعان بارىنشا قىزىعۋشىلىق تانىتادى. ويتكەنى، ونداي ورىن الەمدە وتە از. ءبىز سول جەردە اۋىل تۋريزمىن دامىتقىمىز كەلەدى. ماسەلە اۋىل ۇيلەرىن اشۋ توڭىرەگىندە بولىپ وتىر. ول قولعا الىنسا تاقاۋ ماڭداعى اۋىل تۇرعىندارىنا تۋريزممەن اقشا تابۋعا جاقسى مۇمكىندىك بولار ەدى»، - دەدى سەرگەەنكوۆا.
ونىڭ سوزىنە قاراعاندا، تۋريستەرگە ارنالعان ۇيلەردىڭ ستاندارتتارى قازىرگى ۋاقىتتا جاسالىپ جاتىر.
«باستاپقىدا 10-15 ءۇيدى قامتۋدى ەسەپكە الىپ وتىرمىز. قازىرگى ۋاقىتتا دايىندىق جۇمىستارى جۇرگىزىلۋدە. جوبا ءۇش جىلعا، اتاپ ايتقاندا 2017, 2018, 2019 -جىلدارعا ەسەپتەلىنگەن. جوبا قولعا الىندى. دەگەنمەن، وزدەرىڭىزدە ينفراقۇرىلىم، ماسەلەن قاراپايىم جولدىڭ ءوزى بولماسا ەشتەڭەنىڭ دە جاسالمايتىندىعىن جاقسى تۇسىنەسىزدەر. اعىمداعى جىلى تاڭبالىعا دەيىنگى جول جوندەلەتىن بولادى»، - دەدى ول.
اۆتور: مارلان جيەمباي
