ەلباسىنا «قازاتوم ونەركاسىپ» كومپانياسىنىڭ باسشىسى كاسىپورىننىڭ جۇمىسى تۋرالى باياندادى
دەپ حابارلادى بۇگىن اقوردانىڭ باسپا ءسوز قىزمەتى.
كەزدەسۋدە ەلباسىعا «قازاتوم ونەركاسىپ» ۇلتتىق اتوم كومپانياسى» اكسيونەرلىك قوعامى جۇمىسىنىڭ ناتيجەلەرى تۋرالى ەسەپ بەرىلدى، سونداي- اق جالپى اتوم سالاسىن دامىتۋ بارىسى جونىندە مالىمەت ۇسىنىلدى. نۇرسۇلتان نازاربايەۆ اتومدى بەيبىت ماقساتقا پايدالانۋ ماسەلەسىنە جانە اتوم ەلەكتر ستانسالارى جۇمىسىنداعى جاھاندىق ۇردىستەرگە نازار اۋداردى.
سونداي- اق، ا. جۇماعاليەۆ قازاقستان پرەزيدەنتىنە وتكەن جىل قورىتىندىسى بويىنشا كاسىپورىننىڭ جوسپارلانعان بارلىق وندىرىستىك جانە قارجىلىق كورسەتكىشتەرگە قول جەتكىزگەنىن باياندادى. كومپانيانىڭ ناقتى تابىسى العاش رەت 108 ميلليارد تەڭگەدەن اسقان. بۇدان بولەك، مەملەكەت باسشىسىنا كاسىپورىندى ترانسفورماتسيالاۋ باعدارلاماسىنىڭ ىسكە اسىرىلۋ بارىسى تۋرالى مالىمدەلدى. ودان 16 ميلليارد تەڭگەدەن استام ەكونوميكالىق پايدا تۇسكەن. ەلباسى «قازاتوم ونەركاسىپ» ۇلتتىق اتوم كومپانياسىن ءارتاراپتاندىرۋ جانە جاڭعىرتۋ جونىندەگى جۇمىستاردى جالعاستىرۋ قاجەت ەكەنىن ايتتى. كەزدەسۋ قورىتىندىسى بويىنشا نۇرسۇلتان نازاربايەۆ ءبىرقاتار تاپسىرما بەردى.
