15:33, 05 - ءساۋىر 2017 | GMT +5
پاۆلوداردا پوليتسيا لاڭكەستىككە قارسى كۇرەس جاتتىعۋىن وتكىزدى
پاۆلودار. قازاقپارات - پاۆلوداردا ەستاي اتىنداعى مادەنيەت سارايىندا جوسپارلى لاڭكەستىككە قارسى وقۋ- جاتتىعۋى ءوتتى، دەپ حابارلادى «قازاقپارات» ح ا ا ءتىلشىسى.
وقۋ- جاتتىعۋ تەرروريزم اكتىلەرىنىڭ الدىن الۋعا، ونىڭ سالدارىن جويۋعا باعىتتالدى، دەپ حابارلادى وبلىستىڭ ءى ءى د باسپا ءسوز قىزمەتى.
وبلىستىق لاڭكەستىكپەن كۇرەس جەدەل شتابى جاتتىعۋدىڭ جوسپارلى سيپاتى بارىن ايتتى، ول ءتۇرلى كۇردەلى ەلەمەنتتەرمەن جاۋىنگەرلىك جاعدايعا بارىنشا جاقىن. شارانىڭ ماقساتى - جەدەل شتابتىڭ ولارعا جۇكتەلگەن مىندەتتەردى ورىنداۋعا كۇشتەر مەن قۇرالداردىڭ ازىرلىگىن تەكسەرۋ بولدى. پاۆلودار قوناقتارى مەن تۇرعىندارىنا كولىك قوزعالىسىنا قاتىستى ۋاقىتشا جايسىزدىققا تۇسىنىستىكپەن قاراۋعا، تىنىشتىق ساقتاپ، رەسمي اقپاراتتى باسشىلىققا الۋعا شاقىردى. جاتتىعۋ 11.40-تا اياقتالدى.
