ايەلدەر بيزنەستە كوشباسشى

استانا. قازاقپارات - اقمولا وبلىسى ىشكى ساياسات باسقارماسى شورتاندى اۋدانىنىڭ ناۋچنىي ك. ە ق ى ۇ قولداۋىمەن «قازاقستاننىڭ كاسىپكەر ايەلدەر وداعى» ق ب «كاسىپكەر ايەلدەر ءۇشىن كوشباسشىلىق داعدىلارى»، «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك»، «باسەكەگە قالاي قابىلەتتى بولۋعا بولادى»، «قارجىلىق ساۋاتتىلىق» تاقىرىپتارىندا وقىتۋ سەمينارلارى وتكىزىلدى، دەپ حابارلايدى.

سەمينارعا شورتاندى، ارشالى، اقكول اۋداندارىنىڭ، استانا ق. كوكشەتاۋ ق. كاسىپكەرلەرى قاتىستى. جاتتىقتىرۋشىلار بولىپ ق ر پارلامەنتى ءماجىلىسىنىڭ دەپۋتاتتارى، «قازاقستاننىڭ كاسىپكەر ايەلدەر وداعى» ق ب ءتوراعاسى، «ASIA» كاسىپكەر ايەلدەر بيزنەس قاۋىمداستىعى» ز ت ب پرەزيدەنتى مەرۋەرت قازبەكوۆا جانە قازاقستاننىڭ كاسىپكەر ايەلدەر وداعىنىڭ اتقارۋشى ديرەكتورى گۇلنار كۇشمۇرزينا بولدى.

سەمينارعا قاتىسۋشىلار الەۋمەتتىك جانە ەكونوميكالىق بەلسەندىلىكتى ارتتىرۋ، قارجى قۇرالدارىن جانە جاڭا تەحنولوگيالاردى ءتيىمدى پايدالانۋ ارقىلى كاسىپكەر - ايەلدەردىڭ اقپاراتتىق ساۋاتتىلىعىن قالىپتاستىرۋ ماسەلەلەرىن تالقىلادى. شورتاندى اۋدانىندا ايەل كاسىپكەرلىگىن دامىتۋ جونىندەگى سەمينارلار كاسىپكەر ايەلدەرگە پروبلەمالاردى ايقىنداۋ جانە اقپاراتتىق قولداۋ كورسەتۋ ارقىلى شاعىن بيزنەستى ءتيىمدى ءارى ساۋاتتى قۇرۋ مەن دامىتۋدا كومەك كورسەتۋگە باعىتتالعان.

«بۇگىندە قازاقستاندىق ايەلدەر سەرپىندى دامىپ كەلەتىن ەكونوميكادا لايىق ورىنعا يە بولىپ، بيزنەستە جوعارى پوزيتسيالارعا جەتتى. ءبىرشاما قىسقا مەرزىمدە كاسىپكەرلەر ءوز كاسىپورىندارىنا تابىستى قامتاماسىز ەتە الدى، ولارعا ءتيىستى ىسكەرلىك الەۋەت تانىتتى جانە ىسكەرلىك ايەل تۋرالى ەسكىرگەن تۇسىنىكتى وزگەرتتى»، - دەپ اتاپ ءوتتى ق ر پارلامەنتى ءماجىلىسىنىڭ دەپۋتاتى مەرۋەرت قازبەكوۆا.