بورسىق شۇڭقىر قازىپ، سيىردى كومىپ تاستادى - كەسكىن

استانا. قازاقپارات - يۋتا شتاتىندا (ا ق ش) ۋنيۆەرسيتەت بيولوگتارى بىرنەشە كۇن بويى سيىردىڭ تۇتاس ەتىن كومگەن بورسىقتى ۆيدەوعا ءتۇسىرىپ الدى.

جابايى تابيعات زەرتتەۋشىلەرى يۋتا شتاتىنداعى گرەيت بەيسين ۇلتتىق پاركىنىڭ بىرنەشە جەرىنە سيىردىڭ تۇتاس ەتىن تاستاپ، قاسىنا جاسىرىن كامەرا ورناتقان جانە جابايى جانۋارلاردىڭ كەلۋىن كۇتكەن.

تاڭ قالارلىعى سول، بىرنەشە كۇن وتكەندە ءبىر سيىردىڭ ەتى ءىز-ءتۇزسىز جوعالىپ كەتتى. العاشىندا عالىمدار سيىردى كويوتتار سۇيرەپ اكەتتى دەپ جورامالداعان. الايدا، بەينەجازبانى كورگەندە سيىردىڭ تۇتاس ەتىن كادىمگى بورسىقتىڭ كومىپ تاستاعانى انىقتالدى.

سيىردى كومۋ ءۇشىن بورسىق بىرنەشە كۇن بويى تۋننەلدەر قازعان، ناتيجەسىندە ەت تومەنگە ءوز سالماعىمەن قۇلاپ ءتۇستى.