ءورت سوندىرۋشىلەر تەرەڭ شۇڭقىرعا ءتۇسىپ كەتكەن اتتى قۇتقاردى

استانا. قازاقپارات - امەريكادا كاليفورنيا شتاتىنىڭ ريۆەرسايد قالاسىندا ءورت سوندىرۋشىلەر تەرەڭدىگى ءبىر جارىم مەتر بولاتىن شۇڭقىرعا ءتۇسىپ كەتكەن اتتى قۇتقاردى.

بۇل تۋرالى Associated Press حابارلادى. وقيعا Taco Bell مەيرامحانالار جەلىسى ماڭىندا بولعان. ءورت سوندىرۋشىلەر اتتىڭ تەرەڭ جانە تار شۇڭقىردان وزدىگىنەن شىعا الماي جاتقانىن كورگەن. ونى شىعارۋ ءۇشىن كران شاقىرىلدى. الايدا، جانۋاردى كران كومەگىنسىز، ارقانمەن تارتىپ الدى. جىلقى ايتارلىقتاي زارداپ شەككەن جوق. تەك اياقتارى ازداپ عانا جاراقاتتانعان.