ادامدار وزگەلەردىڭ تەز بايىپ كەتۋىنە جول بەرمەۋ ءۇشىن اقشادان باس تارتۋعا دايىن

استانا. قازاقپارات - وڭتۇستىك فلوريدا ۋنيۆەرسيتەتىنىڭ پسيحولوگتارى زەرتتەۋ جۇرگىزىپ، ناتيجەسىندە كۇتپەگەن قورىتىندىعا قول جەتكىزدى.

زەرتتەۋ ادامداردىڭ قانداي جاعدايلاردا اقشادان باس تارتۋعا كەلىسىم بەرەتىندىگىن انىقتاۋ ماقساتىندا جۇرگىزىلگەن.

كەيبىر جاعدايلاردا ادامدار وزىنەن باسقالار ەشتەڭە المايتىنىن بىلسە، ءوز تابىسىنان باس تارتۋعا دايىن بولىپ شىقتى.

از عانا اقشانى (10 ا ق ش دوللارى) ەكى ادامنىڭ اراسىندا بولىسۋىنە تاجىريبە جۇرگىزىلدى. تاجىريبە شارتىنا سايكەس، ءبىر ادام اتالعان سومانى قاسىنداعى سەرىگىنە ءبولىپ بەرۋى نەمەسە ول ەشتەڭە الماۋى ءۇشىن اقشادان باس تارتۋى تاڭداۋىن جاساۋى قاجەت.

الايدا، ەگەر اقشانى ءبولىسۋدى تاڭداعان جاعدايدا، ونى تەڭدەي ەمەس، وزىنە نەبارى 2 دوللار عانا الىپ قالىپ، قالعان 8 دوللاردى قاسىنداعى سەرىگىنە بەرۋى ءتيىس.

مىنە، وسى تاپسىرمانى ورىنداۋ بارىسىندا كوپتەگەن ادامدار قاسىنداعى سەرىگىنىڭ قالتاسىنا كوپ اقشا كەتىپ قالاتىنىن ويلاپ، وعان دا، وزىنە دە ەشتەڭە الماي، اقشادان مۇلدەم باس تارتقان.

تاجىريبە جۇرگىزەر الدىندا ادامدار قايتارىمسىز اقشانى الۋى ءتيىس دەپ بولجانعان بولاتىن، الايدا ەكىنشى ادام قانشا اقشا الاتىنىنا قاراي، ءارتۇرلى ناتيجەلەر پايدا بولدى.

تاجىريبەگە قاتىسۋشىلاردىڭ %85 ى قاسىنداعى سەرىگى ەشتەڭە الماۋىن قالاپ، 2 دوللاردان باس تارتقان. اسىرەسە، مۇنداي جاعداي اقشانى مۇلدەم بوتەن اداممەن ءبولىسۋ كەزىندە كوپ قايتالاندى. ال، اقشانى ءوز دوسىمەن ءبولىسۋ كەزىندە، كەرىسىنشە، 2 دوللاردى قاناعات تۇتقاندار كوپ كەزدەستى.

تاجىريبە ناتيجەسىندە ادامداردىڭ وزدەرى تانىمايتىن ادامنىڭ كەنەتتەن بايىپ كەتۋىنە مۇمكىندىك بەرمەۋى ءۇشىن، كەزدەيسوق اقشادان باس تارتقانى پسيحولوگتاردى تىعىرىققا اكەپ تىرەدى.