ەرەكشە داۋسىمەن تاڭعالدىرعان زاعيپ قىزعا كوپشىلىك ءسۇيسىندى - فوتو، ۆيدەو

استانا. قازاقپارات -تۋا ءبىتتى كەمىستىگى بار جاندار قوعامدا ءوز ورنىن تابا الماي جاتاتىن كەزدەرى كوپتەپ كەزدەسەدى.

دەگەنمەن، ولاردىڭ اراسىندا ايرىقشا دارىندىلارى دا جوق ەمەس. ماسەلەن، كىشكەنتاي نازىم يساحانوۆا ءوزىنىڭ ەرەكشە داۋسىمەن ەلدى تاڭعالدىرۋدا. ول ءان ايتىپ قانا قويماي، ءوزىنىڭ دارىنىن تالاي تانىمال انشىلەرگە مويىنداتىپ ءجۇر.

نازىم كىشكەنتاي بولسا دا، بۇگىندە كوپتەگەن وتاندىق ونەر جۇلدىزدارىمەن، سونىمەن بىرگە رەسەيلىك شوۋ بيزنەستىڭ جارقىن وكىلدەرىمەن كەزدەسىپ ۇلگەرگەن.

زاعيپ بولسا دا، ومىرىنەن كۇدەر ۇزبەي، ەسىمىن ەلگە تانىتقان رەسەيلىك ءانشى ديانا گۋرتسكايانى ول وزىنە ۇلگى تۇتادى.

ول «بالا داۋىسى-2016» فەستيۆالىندە جانار دۇعالوۆامەن ءان شىرقاپ، ەلدى ءوزىنىڭ اشىق ءارى ادەمى داۋسىمەن سۇيسىنتكەن ەدى. ولار «قۇس جولى» ءانىن بىرلەسە ورىنداعان.