قازاقستان اۆتوموبيل تاسىمالى بويىنشا سەربيامەن كەلىسىم جاسادى
بۇل تۋرالى ق ر ينۆەستيتسيالار جانە دامۋ ۆيتسە-ءمينيسترى رومان سكليار حابارلادى.
«2016-جىلى قازاقستان مەن سەربيا اراسىندا تاسىمالدانعان جۇكتەردىڭ كولەمى 15 پروتسەنتكە كوبەيىپ، 5,5 مىڭ توننانى قۇرادى. سىزدەردىڭ نازارلارىڭىزعا ۇسىنىلىپ وتىرعان ەكى ەل اراسىنداعى اۆتوموبيل تاسىمالىن جۇزەگە اسىرۋ ءۇشىن قۇقىقتىق نورمالار بەكىتىلىپ، اۆتوتاسىمال تۇرلەرى رەگلامەنتتەلۋدە، سونداي-اق بلانك الماسۋعا رۇقسات ەتەتىن كۆوتا بەلگىلەۋ ءتارتىبى ۇسىنىلعان. كەلىسىمگە سايكەس، ەكىجاقتى جانە ترانزيتتىك جۇكتەردى تاسىمالداۋ ەركىن تۇردە، ال ءۇشىنشى ەلدەرگە تاسىمالداۋ رۇقسات نەگىزىندە جۇزەگە اسىرىلادى. بۇل شارت قازاقستاندىق اۆتوتاسىمالداۋشىلار ءۇشىن ءتيىمدى، سەبەبى بولگاريا، گرەكيا جانە حورۆاتيادان جۇك تاسىمالداعان كەزدە قازاقستاندىق تاسىمالداۋشىلار سەربيانىڭ اۋماعىن پايدالانادى»، - دەدى سكليار «قازاقستان رەسپۋبليكاسىنىڭ ۇكىمەتى مەن سەربيا رەسپۋبليكاسىنىڭ ۇكىمەتى اراسىنداعى حالىقارالىق اۆتوموبيل حابارلاماسى تۋرالى كەلىسىمدى راتيفيكاتسيالاۋ تۋرالى» زاڭ جوباسى تالقىلانعان ەكونوميكالىق ساياسات، يننوۆاتسيالىق دامۋ جانە كاسىپكەرلىك كوميتەتىنىڭ كەڭەيتىلگەن وتىرىسىندا.
دەپۋتاتتاردىڭ سۇراعىنا جاۋاپ بەرە وتىرىپ ۆيتسە- مينيستر قازىرگى تاڭدا قازاقستان مەن سەربيا اراسىندا جولاۋشىلار تاسىمالىنىڭ جۇرگىزىلمەي جاتقاندىعىن، الايدا بۇل مۇمكىندىكتىڭ كەلىسىمدە قاراستىرىلعانىن اتاپ ءوتتى.
جۇكتەر ەكى باعىت بويىنشا تاسىمالدانۋدا: رەسەي مەن بەلارۋس ارقىلى - سولتۇستىك باعىت، تۇركيا ارقىلى - وڭتۇستىك باعىت.
