سولتۇستىك كورەيا جاپونياعا قاراي زىمىران ۇشىردى

استانا. قازاقپارات - سولتۇستىك كورەيا تاعى دا ورتا قاشىقتىقتا ۇشاتىن بالليستيكالىق زىمىراندى ۇشىردى.

زىمىراننىڭ ۇشىرىلعانىن ا ق ش قارۋلى كۇشتەرى تىنىق مۇحيتتىق قولباسشىلىعى دا ناقتىلاپ وتىر، دەپ جازادى bbc. زىمىران كورەي تۇبەگىنىڭ شىعىس جاعالاۋىنان جاپونياعا قاراي باعىتتالعان. امەريكالىق اسكەريلەردىڭ مالىمەتى بويىنشا، زىمىران جاپون تەڭىزىنىڭ بەيتاراپ ايماعىنا قۇلاعان. وڭتۇستىك كورەيانىڭ قورعانىس مينيسترلىگى تاراتقان اقپارات بويىنشا، زىمىران 9 مينۋت بويى ۇشقان. وسى ۋاقىت ارالىعىندا ول 60 ك م قاشىقتىقتى ءجۇرىپ وتكەن. سولتۇستىك كورەيانىڭ بۇل جولعى زىمىران سىناعى ق ح ر ءتوراعاسى شي جينپيننىڭ ا ق ش- قا بارۋىنا 1 كۇن قالعاندا جاسالىپ وتىر. قىتاي كوشباسشىسىنىڭ دونالد ترامپپەن اراداعى تالقىلايتىن ماسەلەلەرىنىڭ ءبىرى وسى پحەنياننىڭ زىمىران- يادرولىق الەۋەتىن اۋىزدىقتاۋ بولىپ تابىلادى.

اۆتور: ەربول جانات