شاحاندا قايتىس بولعان وت جاعۋشىنىڭ وتباسىنا ميلليون تەڭگە بولىنەدى
«توتەنشە جاعدايلاردىڭ سالدارىنان زارداپ شەككەن تۇلعالارعا ارنالعان كومەك قورى» جەكە قايىرىمدىلىق قورىنىڭ ديرەكتورى ەرلان كەرىمقۇلوۆ حابارلاعانداي، قامقورشىلىق كەڭەسىنىڭ وتىرىسىندا وت جاعۋشىنىڭ جەسىرى مەن ەكى جاس قىزىنا ميلليون تەڭگە ءبولۋ تۋرالى شەشىم قابىلداندى.
«قارجى سولاردىڭ بانك شوتىنا اۋدارىلادى. ءبىز شوت اشىپ، رەكۆيزيت الۋعا كومەكتەسەمىز. سونداي-اق، بانك اكىمشىلىگىنەن قىزمەت كورسەتكەنى ءۇشىن كوميسسيالىق اقشانى ۇستاپ قالماۋىن سۇرايمىز»، - دەپ حابارلادى كەرىمقۇلوۆ.
ەرلان كەرىمقۇلوۆ اتاپ وتكەندەي، قازا تاپقان وت جاعۋشى جىلۋ قازاندىعىنىڭ جارىلۋىنا كىنالى ەمەس.
«قۇقىق قورعاۋ ورگاندارى وت جاعۋشىنىڭ كىناسىن انىقتامادى. قازىرگى تاڭدا جەسىر مەن ونىڭ ەكى جاس قىزى جىلۋ قازاندىعى جارىلعان بەسقاباتتى تۇرعىن ءۇيدىڭ تۇرعىندارى سەكىلدى زارداپ شەگۋشى بولىپ تابىلادى»، - دەدى ەرلان كەرىمقۇلوۆ.
