قار سۋى باياناۋىل- پاۆلودار باعىتىنداعى تاس جولدى بۇزىپ كەتتى - كەسكىن
«پاۆلودار مەن باياناۋىل اراسىنداعى جول ۋاقىتشا جابىلدى. سەبەبى بۇگىن تاڭعى ساعات جەتى كەزىندە باياناۋىل اۋدانى بىرلىك اۋىلى ماڭىنداعى جولدىڭ استىنداعى قۇبىرلار تاسقىن سۋدىڭ تەبىنىنە توتەپ بەرە الماي جارىلىپ كەتكەن. سۋ جولدىڭ شامامەن 30 مەتردەي بولىگىن بۇزىپ ءوتتى. وقىس وقيعا ورىن العان جەرگە پاۆلوداردان جەتى ارنايى تەحنيكا جەتكىزىلىپ، جاڭادان قۇبىر ورناتىلىپ جاتىر. ازىرگە تاسقىن سۋدىڭ بەتى ءالى قايتقان جوق. سونداي-اق، توپىراق توگىلۋدە. بۇگىن تۇنگى ساعات ون ەكىدەن باستاپ پاۆلودار- باياناۋىل باعىتىنداعى بايلانىس قايتا قالپىنا كەلەدى»، - دەيدى اباي تەمىربايەۆ.
ايتا كەتەيىك، قازىرگى تاڭدا توتەنشە جاعداي ورىن العان وڭىردە وبلىس اكىمىنىڭ ءبىرىنشى ورىنباسارى دۇيسەنباي تۇرعانوۆ باستاعان جۇمىس توبى جاعدايدى ءجىتى باقىلاۋدا. وبلىستىق توتەنشە جاعدايلار دەپارتامەنتىنىڭ ماماندارى مەن «قازاۆتوجول» ا ق پاۆلودار فيليالىنىڭ وكىلدەرى دە سول جەردە جۇمىس جۇرگىزۋدە.
