ر ف تەرگەۋ كوميتەتى پەتەربۋرگتە لاڭكەستىك جاساعان ادامنىڭ كىم ەكەنىن انىقتادى

استانا. قازاقپارات - رەسەي تەرگەۋ كوميتەتى سانكت- پەتەربۋرگتە لاڭكەستىك جاساعان ادامدى انىقتادى. بۇل تۋرالى ت ك باسپا ءسوز حابارلاماسىندا ايتىلعان.

  «سانكت- پەتەربۋرگ مەتروسىندا پويىز ۆاگونىندا جارىلىس جاساعان ەر كىسى انىقتالدى. ول 1995 -جىلى دۇنيەگە كەلگەن اكبارجون دجاليلوۆ بولىپ شىقتى»، - دەلىنگەن حابارلامادا. «گازەتا.ر ۋ» دەرەگى بويىنشا، جانكەشتى اكبارجون دجاليلوۆ سانكت- پەتەربۋرگتاعى كولىك شەبەرحاناسىندا جۇمىس جاساعان، رەسەي ازاماتتىعىن 2011 -جىلى قىرعىزستاننىڭ رەسەيدەگى باس كونسۋلدىعىندا العان.

 ەسكە سالا كەتەيىك، 3 - ءساۋىر كۇنى سانكت- پەتەربۋرگ مەتروسىنىڭ «سەننايا پلوشاد» بەكەتىندە جارىلىس بولدى. سوڭعى دەرەك بويىنشا، 14 ادام قازا تاۋىپ، 50 ادام جاراقات العان.