ادىلەت مينيسترلىگى ۆيكتور حراپۋنوۆتى قاماۋعا الۋدى كوزدەپ وتىر
دەپ حابارلايدى «قازاقپارات» ح ا ا ءتىلشىسى.
«2014 - جىلدىڭ مامىر ايىندا الماتى اكىمدىگى تالاپ بىلدىرگەن ەدى. 2015 -جىلدىڭ قازان ايىندا ءبىرىنشى ينستانسياداعى سوت بۇل ءوتىنىشتى قاناعاتتاندىرماي، ءىستى شۆەيساريادا قاراۋ كەرەكتىگىن ايتتى. ءبىز بۇل شەشىمگە شاعىم بىلدىردىك، ەندى ءىس كاليفورنيا سوتىندا قارالاتىن بولدى. ءبىز حراپۋنوۆتىڭ قىلمىسىن اشكەرەلەيتىن بارلىق دالەلدەردى ۇسىنامىز. كاليفورنيادا ونىڭ جىلجىمايتىن مۇلكى بار، وعان قول جەتكىزىپ، ساتۋ ارقىلى الماتى قالاسىنا كەلتىرگەن شىعىننىڭ ورنىن تولتىرا الامىز. حراپۋنوۆ ءوز اكتيۆتەرىن قايدا جاسىرسا دا، ونى ەلگە قايتارىپ، شەشىمدى ورىنداتۋعا بولادى»، - دەپ مالىمدەدى ق ر ادىلەت ءمينيسترى مارات بەكەتايەۆ جۋرناليستەرگە ۇكىمەت وتىرىسىندا.
ونىڭ ايتۋىنشا، الماتى اكىمدىگىنىڭ مۇددەسىن ادىلەت مينيسترلىگى قورعايدى. جۇمىستى 2009 -جىلدان بەرى م. بەكەتايەۆ جەتەكشىلىك ەتەتىن مامانداندىرىلعان دەپارتامەنت جۇرگىزەدى. ادىلەت مينيسترلىگىنىڭ دەرەگى بويىنشا، حراپۋنوۆتىڭ كاليفورنيادا بىرنەشە ۆيللاسى جانە بىرنەشە قىمبات اۆتوموبيلى بار.
«وسى دۇنيەلەردىڭ وعان تيەسىلى ەكەندىگىن دالەلدەۋ كەرەك. حراپۋنوۆ بارىنشا دايىندالعان، مۇلىك ساتىپ الۋ ءۇشىن دە بىلىكتى زاڭگەرلەردى جالداعان. بۇل مۇلىك وفشورلىق كومپانيالار ارقىلى زاڭدى تۇلعالاردىڭ اتىنا جازدىرۋ ارقىلى ساتىپ الىنعان. اتالمىش زاتتاردىڭ وعان تيەسىلى ەكەندىگىن دالەلدەپ، كەيىن ءوندىرىپ الۋ قاجەت. الدا كوپ ەڭبەكتى تالاپ ەتەتىن جۇمىس تۇر (...) قازاقستان حالقىنان ۇرلاعان قارجىلاردى ەشكىم باسقا ەلدە پايدالانا المايدى»، - دەپ اتاپ ءوتتى ول.
