ءار ساۋساقتاعى ساقينا ادام مىنەزىن ايعاقتايدى - فوتو

استانا. قازاقپارات - ساۋساققا ساقينا تاعۋدىڭ تاريحى تەرەڭدە. ونىڭ تىلسىمى دا جوق ەمەس. ەندەشە ەسكەرىڭىز

باس بارماق - مارس

باس بارماقتاعى ساقينا سول ادامنىڭ كۇش- قۋاتى كوپ، ەموتسيونالدى ەكەنىن بىلدىرەدى. ادەتتە بىربەتكەي، اشۋشاڭ، ءور مىنەزدى كەلەتىن جاندار. ولارمەن داۋلاسۋدان پايدا جوق. سوڭىندا وكىنەتىنىن ءبىلىپ تۇرسا دا، ءوز دەگەنىنەن قايتپايدى. سويتە تۇرا وزدەرىنىڭ ارتىقشىلىقتارى مەن كەمشىلىكتەرىن جاقسى بىلەدى.

سۇق ساۋساق - يۋپيتەر

 

سۇق ساۋساقتاعى ساقينا «بيلىكتى» بىلدىرەدى. يۋلي سەزار، كاردينال ريشەلە، يۆان گروزنىي، گەنريح VIII سەكىلدى اڭىز تۇلعالاردىڭ كوپشىلىگى ساقينانى سۇق ساۋساعىنا تاعاتىن بولعان. ساقينانى وسى ساۋساعىنا تاعاتىن ادامدارعا بيلىككە ۇمتىلۋ، ەركىن مىنەز ءتان. ەگەر ادام ساقينانى وڭ قولىنىڭ سۇق ساۋساعىنا تاقسا اقىلدىلىقتىڭ بەلگىسى. ال ەگەر سول قولىنا تاقسا ءوز- وزىنە دەگەن سۇيىسپەنشىلىك پەن جوعارى پىكىردى بىلدىرەدى.

استرولوگتار ءوز- وزىنە سەنىمسىز، شەشىم قابىلداۋدا كوپ ويلاناتىن ادامدارعا ساقينانى سۇق ساۋساعىنا تاعۋعا كەڭەس بەرەدى. بۇل ولارعا نەعۇرلىم سەنىمدى بولۋعا، ءوز باعاسىن كوتەرۋگە كومەكتەسەدى. سونداي- اق ومىرگە ساتتىلىك پەن تابىس اكەلەدى. اسىرەسە التىن جۇزىكتەر تاققان دۇرىس.

ورتاڭعى ساۋساق - ساتۋرن

 

ساقينانى ورتاڭعى ساۋساعىنا ءوز-وزىنە سەنىمدى، ءوز- ءوزىن جاقسى كورەتىن جانە جوعارى باعالايتىن ادامدار تاعادى. ۇنەمى جولىڭىز بولمايتىن بولسا ساقينانى ورتاڭعى ساۋساعىڭىزعا تاعىپ كورىڭىز. ساتۋرن ساتتىلىك شاقىرادى.

اتى جوق ساۋساق - كۇن

 

ەڭ الدىمەن ادامنىڭ وتباسىلى ەكەنىن كورسەتەدى. بۇل ءداستۇر ەجەلگى ەگيپەتتىكتەردە پايدا بولعان. العاشقىدا نەكە جۇزىكتەرى شىنى مەن كەراميكادان، تەمىر مەن قولادان جاسالعان. ال التىن ساقينالار III- IV عاسىرلاردا پايدا بولعان. التىن كۇن مەتالى رەتىندە ماحابباتتى كۇشەيتەدى.

اتى جوق ساۋساقتاعى ساقينا يەسىنىڭ ونەر مەن تالعامعا ءتانتى ەكەنىن كورسەتەدى. ادەتتە اكتەرلەر، سۋرەتشىلەر، شىعارماشىلىق ادامدار كوپ تاعادى. التىن ادامعا شىعارماشىلىق شابىت ءبىتىرىپ، تابىسقا جەتەلەيدى.

شىناشاق - مەركۋري

 

مەركۋري ديپلوماتتاردىڭ، كاسىپكەرلەردىڭ، شەشەندەردىڭ، دارىگەرلەردىڭ، ساياساتكەرلەردىڭ پلانەتاسى. سوندىقتان اقىل مەن ايلادان كەندە قالعانداردىڭ بارلىعى ساقينانى شىناشاعىنا تاقسا بولادى. شىناشاقتاعى ساقينا ىسكەرلىك قارىم- قاتىناس ورناتۋعا كومەكتەسەدى. سونداي-اق ادامنىڭ قۇبىلمالىلىعىن، قۇمار ويىندارعا اۋەستىگىن بىلدىرەدى.

باقايلارداعى ساقينا

 

وزگەلەردەن ەرەكشەلەنۋدى كورسەتەدى. ادامنىڭ ءوز-ءوزىن جوعارى باعالاۋىن بىلدىرەدى.

 

دەرەككوز: vmirechudes.com