10:17, 04 - ءساۋىر 2017 | GMT +5
استانادا قۇرىلىس فيرماسى بانكروت دەپ تانىلدى
استانا. قازاقپارات - استانا قالاسىنىڭ مامانداندىرىلعان اۋدانارالىق ەكونوميكالىق سوتىندا «يندۋستريا جيليا-ن س» ج ش س- ءنىڭ ارىزى بويىنشا ازاماتتىق ءىس قارالدى، دەپ حابارلايدى قالالىق سوتتىڭ باسپا ءسوز قىزمەتى.
ج ش س- ءتىڭ نەگىزگى قىزمەتى - تۇرعىن ءۇي عيماراتتارىنىڭ قۇرىلىسىن سالۋ. سوتتا بورىشكەردىڭ 2 ميلليون تەڭگەدەن اسا سالىق قارىزى بار ەكەنى انىقتالدى. سالىق زاڭناماسىنا سايكەس سالىق قارىزىن ءوندىرۋ ماقساتىندا «استانا قالاسى الماتى اۋدانى بويىنشا مەملەكەتتىك كىرىستەر باسقارماسى» ر م م، ماجبۇرلەپ ءوندىرۋدىڭ تاسىلدەرى مەن شارالارىن قولداندى، الايدا ول ناتيجە بەرمەدى. كومپانيا تولەۋگە قابىلەتسىز بولدى جانە تىركەۋ مەكەنجايى بويىنشا تابىلمادى. سوت شەشىمىمەن «يندۋستريا جيليا-ن س» ج ش س- ءنىڭ بانكروت دەپ تانۋ تۋرالى ارىزى قاناعاتتاندىرىلدى. شەشىم دەرەۋ ورىندالۋعا جاتادى.
