قازاقستاندا سامسۋنگ سمارتفوندارىنىڭ ەڭ سوڭعى مودەلدەرى تانىستىرىلدى
ولاردىڭ ءتۇسى قارا گاۋھار تاس ءتۇستى، ميستيكالىق امەتيست ءتۇستى جانە اسىل سارى تاس تۇستەرىندە بولادى. قازاقستاندا 30 -ساۋىرگە دەيىن الدىن الا تاپسىرىس بەرۋگە مۇمكىندىك تۋدى.
بۇل جولى العاشقى تاپسىرىس بەرۋشىلەر باعالى سىيلىقتارعا يە بولادى. الدىن الا تاپسىرىستى مىنا سىلتەمە ارقىلى بەرۋگە بولادى. سونداي-اق، جاڭا سمارتفوندار 10 نانومەترلى پروتسەسسورلارمەن قامتىلعان. ول سماتفوندارعا جوعارى جىلدامدىقپەن جۇمىس ىستەۋگە مۇمكىندىك بەرەدى. 8-مەگاپيكسەلدى الدىڭعى كامەراسى مەن ينتەللەكتۋالدىق اۆتوفوكۋسى بار، سونداي- اق، 12 مەگاپيكسەلدى كامەراسى بار جانە Dual Pixel تەحنولوگياسىمەن قامتىلعان گادجەتتەرمەن جارىق ناشار ءتۇسىپ تۇرسا دا، ساپالى سۋرەتتەردى جاساۋعا بولادى.
سونىمەن قاتار، جاڭا سمارتفوندار بيومەتريالىق تەحنولوگيالارمەن جۇمىس ىستەيدى. وندا ساۋساق ءىزىن قالدىراتىن، كوزدىڭ سىرتقى قابىعىنىڭ سكانەرى مەن ادامداردى تاني الاتىن جۇيە بار. ايتا كەتەيىك، سمارتفوندار يننوۆاتسيالىق قۇلاققاپپە بىرگە ساتىلاتىن بولادى. قۇلاققاپتار وتە ىڭعايلى بولۋىمەن ەرەكشەلەنەدى ەكەن.
ەسكە سالا كەتكەن ءجون، وسىعان دەيىن Samsung جاڭا Galaxy S8 سمارتفونىن تانىستىرعان بولاتىن. جاڭا سمارتفونداردىڭ ەرەكشەلىگى - ولاردىڭ ديسپلەيىنىڭ جاقتاۋى جوق. S8 تەلەفونىنىڭ ەكرانىنىڭ دياگونالى 5,8 ديۋيم بولسا، S8 Plus سمارتفونىنىڭ دياگونالى - 6,2 ديۋيم. سونداي- اق، ەكەۋىنىڭ ەكرانىنىڭ شەتتەرى يىلگەن بولىپ كەلەدى.
Tengrinews.kz
