كيكبوكستان قازاق-قىتاي سپورتشىلارى كىم مىقتىنى انىقتايدى

استانا. قازاقپارات - قىتايدىڭ حورعاس قالاسىندا كيكبوكستىڭ ك-1 ءتۇرى بويىنشا قازاقستان-قىتاي اراسىنداعى جولداستىق كەزدەسۋ وتەدى، دەپ حابارلايدى قازاقپارات ءتىلشىسى.

ەكى ەل سپورتشىلارى اراسىندا وتەتىن سايىس 8- ساۋىرگە جوسپارلانعان. بۇل سىندا قازاقستان نامىسىن استانا قالاسىنىڭ «Tobet top team» سپورت كلۋبى قورعايتىن بولادى.

سايىستا التى جۇپ ءوزارا كىم مىقتىنى انىقتايدى. جەكپە-جەكتەردى قىتايلىق جەرگىلىكتى ارنالارىنىڭ ءبىرى كورسەتەدى.

قازاق ەلى اتىنان 60 كەلىدە ەرقانات وسپانوۆ، 63 كەلىدە يۆان دوبرىنين مەن اسلان وراز سىنعا تۇسسە، 65 كەلى سالماقتا اليحان وزدويەۆ، 70 كەلىدە رۇستەم اقجانوۆ جانە 80 كەلىدە سۇلتان قيالوۆ ەل نامىسىن قورعايدى. نەگىزگى جەكپە-جەك رۇستەم اقجانوۆ پەن قىتاي سپورتشىسى اراسىندا بولماق.

اۆتور: كۇنسۇلتان وتارباي