قازاق بوكسىنان وليمپيادانىڭ تۇڭعىش چەمپيونىن ەسكە الۋعا ارنالعان حالىقارالىق تۋرنير باستالدى

شىمكەنت. قازاقپارات - تۇركىستاندا سيدنەي وليمپياداسىنىڭ چەمپيونى بەكزات ساتتارحانوۆتى ەسكە الۋعا ارنالعان حالىقارالىق تۋرنير باستالدى.

سايىسقا قازاق بوكسشىلارىنان بولەك، رەسەي، وزبەكستان، قىرعىزستان سپورتشىلارى دا كەلدى، دەپ حابارلايدى قازاقپارات ح ا ا ءتىلشىسى. 16 جىل بۇرىن سيدنەي تورىندە قازاق تۋىن جەلبىرەتكەن اتاقتى سپورتشى كوزى ءتىرى بولعاندا بيىل 36 جاسقا تولار ەدى. تۋرنيردىڭ اشىلۋ سالتاناتىنا قاتىسقان جۇرت ەر بەكزاتتى ەسكە الىپ، ونىڭ ءىزىن جالعاپ كەلە جاتقان جاستاردىڭ قاتارى كوبەيىپ كەلە جاتقانىن اتاپ ءوتتى.

وليمپيادا چەمپيونىنىڭ قۇرمەتىنە وراي ۇيىمداستىرىلعان تۋرنيرگە 200-گە جۋىق بىلعارى قولعاپ شەبەرلەرى قاتىستى. ولار 10 سالماق دارەجەسى بويىنشا سىنعا تۇسۋدە. «جارىس جولىنا شىققاندار - قازاقستان رەسپۋبليكاسىنىڭ سپورت شەبەرى اتانۋعا ۇمىتكەرلەر. مامانداردىڭ پايىمىنشا، رينگتەگى تەكەتىرەس تارتىستى ءوتۋى ءتيىس. ويتكەنى، رەسەي مەن وزبەكستان سپورتشىلارى دا وڭاي قارسىلاس ەمەس»، - دەدى بەكزات ساتتارحانوۆتىڭ اكەسى سەيىلحان ساتتارحانوۆ.

جىل سايىن وتەتىن ءداستۇرلى حالىقارالىق تۋرنيردىڭ بيىلعى دوداسى ەرتەڭ اياقتالادى. اقتىق ويىندار دا وسى كۇنگە جوسپارلانعان.

ايتا كەتەيىك، بۇگىن 4 -ءساۋىر كۇنى ءيسى قازاققا وليمپيادانىڭ التىنىن اپەرگەن اسىل ۇل - بەكزات ساتتارحانوۆتىڭ تۋعان كۇنى.

اۆتور: اينۇر اقبايەۆا