07:07, 04 - ءساۋىر 2017 | GMT +5
قازاقستاندىق شورت-ترەكشىلەر ەۋروپانىڭ ابسوليۋتتى چەمپيوندارى اتاندى
استانا. قازاقپارات - ليتۆانىڭ ەلەكترەناي قالاسىندا شورت-ترەك سپورتىنان جاستار اراسىنداعى ەۋروپا چەمپيوناتى ءوتتى.
قازاقستاندىق شورت-ترەكشىلەر بۇل باسەكەدە قارسىلاس شاق كەلتىرمەدى، دەپ حابارلايدى dodasport.kz.
سپورتشىلار 500, 1000 جانە 1500 مەترلەردە ۇزدىكتەردى انىقتادى. كەيىن جالپى ەسەپتەگى جەڭىمپاز بەلگىلى بولدى. قىزدار اراسىندا تايشمانوۆا اسەل ابسوليۋتتى چەمپيون اتاندى.
وتانداسىمىز بارلىق قاشىقتىقتا دا جەڭىسكە جەتتى. ودان كەيىنگى ەكىنشى ورىندا تاعى ءبىر وتانداسىمىز باقىتكەرەيەۆا قاديشا. قاديشا بارلىق قاشىقتىقتا دا اسەلدەن كەيىن ەكىنشى ورىندى يەلەندى.
ۇلدار اراسىندا نۇرلىبەك بەيسەيەۆ جالپى ەسەپتە چەمپيون اتاندى. ەكىنشى ورىندا تاعى ءبىر جەرلەسىمىز يفچەنكو گلەب. وسىلايشا جاس شورت-ترەكشىلەرىمىز ەۋروپا چەمپيوناتىندا تاماشا جەڭىسكە قول جەتكىزىپ وتىر.
