ساپاربايەۆ ورىنباسارىن اۋدانعا اكىم ەتىپ تاعايىندادى

اقتوبە. قازاقپارات - اقتوبەنىڭ بايعانين اۋدانىندا اكىم اۋىستى. بۇعان دەيىن وبلىس اكىمى بەردىبەك ساپاربايەۆتىڭ ورىنباسارى بولعان اسقار شەريازدانوۆ جاڭا قىزمەتكە تاعايىندالدى،

دەپ حابارلايدى قازاقپارات ءتىلشىسى.

 بەردىبەك ساپاربايەۆ اقتوبە وبلىسىنا اكىم بولىپ تاعايىندالعان سوڭ الەۋمەتتىك سالاعا جاۋاپتى ەتىپ اسقار شەريازدانوۆتى بەكىتتى.

2015 -جىلدىڭ قىركۇيەگىنەن باستاپ كۇنى بۇگىنگە دەيىن وبلىس اكىمىنىڭ ورىنباسارى بولعان ا. شەريازدانوۆ ەندى شالعايداعى بايعانين اۋدانىن باسقارادى. ايتا كەتەيىك، اسقار شەريازدانوۆ 49 جاستا. ول ق. جۇبانوۆ اتىنداعى اقتوبە پەداگوگيكالىق ينستيتۋتىنىڭ فيلولوگيا فاكۋلتەتىن ءتامامداعان. ماماندىعى - ورىس ءتىلى مەن ادەبيەتى ءپانىنىڭ مۇعالىمى. كەيىن الماتى ەكونوميكا جانە ستاتيستيكا ينستيتۋتىن بۋحالتەر- ەكونوميست ماماندىعى بويىنشا بىتىرگەن.

ەڭبەك جولىن 1992 -جىلى №7كاسىپتىك- تەحنيكالىق ۋچيليشەسىنىڭ قازاق ءتىلى مەن ادەبيەتى وقىتۋشىسى بولىپ باستادى. «ءار جىلداردا تىلدەر جونىندەگى وبلىستىق باسقارمانىڭ باس مامانى، وبلىس اكىمىنىڭ باسپا ءسوز حاتشىسى، اكىمنىڭ كەڭەسشىسى، ىشكى ساياسات دەپارتامەنتى ديرەكتورىنىڭ ورىنباسارى، ديرەكتورى، وبلىستىق تۋريزم جانە سپورت باسقارماسى باستىعىنىڭ ورىنباسارى، باستىعى قىزمەتتەرىن اتقاردى. «باتىس الەۋمەتتىك- كاسىپكەرلىك كورپوراتسياسى» ۇ ك» ا ق ءبولىم باستىعى، دەپارتامەنت ديرەكتورى، استانا قالاسىنداعى «التىن قىران» كومپانيالار توبى باس ديرەكتورىنىڭ ورىنباسارى، اقتوبە قالاسى اكىمى اپپاراتىنىڭ باسشىسى، العا اۋدانىنىڭ اكىمى قىزمەتتەرىندە بولدى»، - دەپ حابارلادى وبلىس اكىمىنىڭ باسپا ءسوز قىزمەتى. بايعانين اۋدانىنىڭ اكتيۆىنە جاڭا اكىم اسقار شەريازدانوۆتى وبلىس اكىمىنىڭ ورىنباسارى مۇحتار جۇماعازيەۆ تانىستىردى.

 اۆتور: التىناي ساعىندىقوۆا