قازاقتىڭ قويى قىتايعا تاسىمالدانادى

استانا. قازاقپارات - ق ر پرەمەر- ءمينيسترى - اۋىل شارۋاشىلىعى ءمينيسترى اسقار مىرزاحمەتوۆتىڭ قىتاي حالىق رەسپۋبليكاسىنا جاساعان جۇمىس ساپارى بارىسىندا تاراپتار قازاقستاننىڭ قوي ەتىن قىتايلىقتارعا تاسىمالداۋ جونىندە كەلىسىمگە كەلدى،

 دەپ حابارلايدى قازاقپارات ءتىلشىسى.

«بۇگىندە قىتاي نارىعىنا تاۋار تاسىمالداۋ ءۇشىن ارنايى ءونىمنىڭ تالاپقا ساي ەكەنىن دالەلدەۋ كەرەك. ول ءۇشىن ارنايى ورگان بار. وعان الەمنىڭ 100 دەن استام ەلىنەن مىڭداعان وتىنىمدەر تۇسەدى. الايدا قازاقستاننىڭ وتىنىمدەرى ءبىرىنشى كەزەكتە قارالادى. سەبەبى مەملەكەت باسشىلارى دەڭگەيىندە ءتيىستى ۋاعدالاستىق بار. ال مىرزاحمەتوۆ مىرزانىڭ جاساعان ساپارى بارىسىندا ەكى جاق 30 شاقتى ءونىمنىڭ بۇعان دەيىنگى وتىنىمدەرىن توپتاستىرۋعا كەلىستى. ماسەلەن، مايلى داقىلدار ورتاق ءبىر حاتتاما بويىنشا راسىمدەلەدى. دەمەك، ول ونىمدەردىڭ ينسپەكسياسى دا بىردەن جۇرگىزىلەدى»، - دەدى اۋىل شارۋاشىلىعى ۆيتسە- ءمينيسترى گۇلميرا يسايەۆا بۇگىن ۇكىمەت ۇيىندە وتكەن باسپا ءسوز ءماسليحاتىندا.

ۆيتسە- ءمينيستردىڭ ايتۋىنشا، اعىمداعى ايدىڭ سوڭىندا قىتايدىڭ ينسپەكسياسى قازاقستانعا كەلىپ، ازىق- تۇلىك قاۋىپسىزدىگى جۇيەسىن باعالايتىن بولادى. سول كەزدە قوي ەتىن وڭدەيتىن وتاندىق كاسىپورىندارعا دا تەكسەرىس جۇرگىزىلەدى.

«وسى جولى دا قىتايلىق ارىپتەستەر ول تەكسەرىستەردىڭ بولەك جۇرگىزىلەتىنىنە قاراماستان، ەكەۋىن دە بىردەي وتكىزۋگە كەلىستى. وسىنىڭ ارقاسىندا قازاقستاننىڭ قوي ەتىن قىتايعا ەرتەرەك ەكسپورتتاۋعا بولادى. ءبىزدىڭ جوسپارىمىزعا سايكەس، اعىمداعى جىلدىڭ ەكىنشى جارتىجىلدىعىندا قازاقتىڭ قوي ەتى كورشى ەلگە تاسىمالدانادى»، - دەپ اتاپ كورسەتتى ۆيتسە- مينيستر.

اۆتور: ارمان اسقاروۆ