جەر بەتىندەگى تۇششى سۋ ۋعا اينالىپ بارادى

استانا. قازاقپارات - Biogeochemistry جۋرنالىندا كانزاس ۋنيۆەرسيتەتى عالىمدارىنىڭ جەر بەتىندەگى تۇششى سۋ جاعدايىنىڭ ەسەبى مەن سۋ سالاسىنداعى بولجامدارى جارىق كوردى.

عالىمدار كليماتتىق وزگەرىستەردىڭ - قۋاڭشىلىقتان كەيىن كەنەتتەن توپان سۋدىڭ كەلۋى تۇششى سۋلاردى ىشۋگە جانە شارۋاشىلىق قاجەتتىلىككە جارامسىز ەتەدى، دەپ حابارلادى Gephardt Daily.

بۇل وزگەرىستەر جەر ءۇستى سۋلارىنىڭ، ونىڭ ىشىندە اۋىز سۋلارىنىڭ حيميالىق قۇرامىن وزگەرىسكە ۇشىراتادى. دالىرەك ايتقاندا، قۋاڭشىلىقتا توپىراقتارعا كوپ مولشەردە ازوت جينالىپ قالادى. ال سۋ تاسقىنى ازوتتى شايىپ اكەتىپ، سۋ ارنالارىنا قۇيادى.

سالدارىنان جەر بەتىندەگى بارلىق سۋ ىشۋگە دە، شارۋاشىلىققا دا جارامسىز بولىپ قالماق. ەگەر دەر كەزىندە تازارتۋ جۇيەسىن رەتكە كەلتىرمەسە نەمەسە وزگە دە الدىن الۋ شارالارىن جاساماسا، ىشۋگە جارامدى سۋ مۇلدەم جوعالىپ كەتۋى مۇمكىن.