جوعارعى سوت باقىتبەك ەسەنتايەۆقا قاتىستى ۇكىمدى قايتا قاراۋدان باس تارتتى

استانا. قازاقپارات - ق ر جوعارعى سوتى بايان ەسەنتايەۆانىڭ بۇرىنعى كۇيەۋى باقىتبەك ەسەنتايەۆقا قاتىستى ۇكىمدى قايتا قاراۋدان باس تارتتى، دەپ حابارلايدى قازاقپارات.

«ق ر جوعارعى سوتى سوتتالۋشىنىڭ ادۆوكاتى مەن زارداپ شەگۋشى بايان ەسەنتايەۆانىڭ ءوتىنىش حاتى بويىنشا باقىتبەك ەسەنتايەۆقا قاتىستى ۇكىمدى قايتا قاراۋدان باس تارتتى»، - دەلىنگەن ەلىمىزدىڭ جوعارعى سوت ورگانىنىڭ باسپا ءسوز قىزمەتى تاراتقان اقپاراتتا.

ەستەرىڭىزگە سالا كەتسەك، وتكەن جىلدىڭ 13- قاراشا كۇنى الماتى وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا سۋديا بەرىكجان ءبايجۇنىسوۆ باقىتبەك ەسەنتايەۆقا قاتىستى سوت ۇكىمىن جاريا ەتتى.

سۋديا باقىتبەك ەسەنتايەۆقا قاتاڭ رەجىمدەگى كولونيادا 9 جىلعا باس بوستاندىعىنان ايىرۋ تۋرالى ۇكىم شىعاردى. الايدا، قوس تاراپ سوت ۇكىمىمەن كەلىسپەدى. اپپەلياتسيالىق شاعىم ءتۇسىردى.

قورعاۋشىلاردىڭ پىكىرىنشە، باقىتبەك ەسەنتايەۆ ءوزىنىڭ بۇرىنعى ايەلىن ولتىرۋگە وقتالماعان. ب. ەسەنتايەۆ ق ر ق ك- ءنىڭ 24-باپ 3-ءبولىمى، 99-باپتىڭ 2-ءبولىمى 10-تارماعى (زورلاۋمەن نەمەسە سەكسۋالدىق سيپاتتاعى زورلىق-زومبىلىق ارەكەتتەرىمەن ۇشتاسقان ادام ولتىرۋگە وقتالۋ) 120-باپتىڭ 1-ءبولىمى (زورلاۋ) 121-باپتىڭ 1-ءبولىمى (سەكسۋالدىق سيپاتتاعى زورلىق-زومبىلىق ارەكەتتەرى) بويىنشا ايىپ تاعىلعان ەدى.

اۆتور: مارلان جيەمباي