12:46, 03 - ءساۋىر 2017 | GMT +5
باكۋدە نازاربايەۆ پەن اليەۆ رەسمي كەزدەسۋ وتكىزەدى
استانا. قازاقپارات - بۇگىن ق ر پرەزيدەنتى نۇرسۇلتان نازاربايەۆ پەن ازەربايجان پرەزيدەنتى يلحام اليەۆ ءبىرقاتار ستراتەگيالىق ماڭىزى بار قۇجاتتارعا قول قويادى، دەپ حابارلايدى قازاقپارات.
بۇل تۋرالى بۇگىن ورتالىق كوممۋنيكاتسيالار قىزمەتىنىڭ رەسمي وكىلى مۇرات جۇمانباي ءمالىم ەتتى.
«ق ر پرەزيدەنتى نۇرسۇلتان نازاربايەۆتىڭ ازەربايجانعا رەسمي ساپارى باستالدى. ەستەرىڭىزگە سالساق، قازاقستان مەن ازەربايجان اراسىنداعى ديپلوماتيالىق قاتىناس 1992-جىلدىڭ 27- تامىزىندا ورناعان.
2004-جىلى ناۋرىز ايىندا ازەربايجان پرەزيدەنتى يلحام اليەۆتىڭ استاناعا ساپارى، 2005-جىلى قازاقستان پرەزيدەنتى نۇرسۇلتان نازاربايەۆتىڭ ازەربايجان ەلىنە مەملەكەتتىك ساپارى ەكىجاقتى قارىم-قاتىناسقا جاڭا سەرپىن بەرگەن بولاتىن.
بۇگىن ەكى ەل باسشىلارىنىڭ رەسمي كەزدەسۋى جوسپارلانعان. وندا ءبىرقاتار ستراتەگيالىق ماڭىزى بار قۇجاتتارعا قول قويىلادى دەپ كۇتىلىلۋدە»، - دەدى ول.
