شاڭحاي ىنتماقتاستىق ۇيىمىنىڭ باس حاتشىسى قازاقستانعا كەلەدى
قاۋىپسىزدىك كەڭەستەرى حاتشىلارىنىڭ كەزدەسۋى استانادا وسى جىلى 8-9- ماۋسىمدا وتەتىن ش ى ۇ سامميتى قارساڭىنداعى العاشقى ماڭىزدى كەزەڭدى شارا بولىپ تابىلادى. كەزدەسۋ بارىسىندا ش ى ۇ- عا مۇشە مەملەكەتتەر وكىلدەرى ش ى ۇ كەڭىستىگىندە، تۇتاستاي الەمدە قاۋىپسىزدىك پەن تۇراقتىلىقتى قامتاماسىز ەتۋدىڭ وزەكتى ماسەلەلەرى بويىنشا پىكىر الماسادى.
كەزدەسۋ قورىتىندىسى بويىنشا پرەزيدەنتتىڭ كومەكشىسى - ق ر قاۋىپسىزدىك كەڭەسىنىڭ حاتشىسى ۆلاديمير جۇماقانوۆ پەن ش ى ۇ باس حاتشىسى راشيد اليموۆتىڭ بىرلەسكەن باسپا ءسوز ءماسليحاتى وتەدى.
ساپار اياسىندا ءبىرقاتار ەكىجاقتى كەزدەسۋلەر جوسپارلانعان. ش ى ۇ باس حاتشىسى «ەكسپو - 2017» كورمەسىنە ش ى ۇ پاۆيلونىن سالۋ جۇمىستارىنىڭ بارىسىمەن تانىسادى. ق ر پرەزيدەنتى جانىنداعى مەملەكەتتىك باسقارۋ اكادەمياسى ديپلوماتيا ينستيتۋتىنىڭ تىڭداۋشىلارىمەن كەزدەسىپ، نازاربايەۆ ۋنيۆەرسيتەتى پروفەسسورلىق-وقىتۋشىلىق قۇرامىمەن، ستۋدەنتتەرىمەن كەزدەسەدى.
