09:29, 03 - ءساۋىر 2017 | GMT +5
داۋىل ءۇيدى اۋدارىپ، بالالى ايەل اجال قۇشتى
استانا. قازاقپارات - امەريكانىڭ لۋيزيانا شتاتىندا سۇراپىل داۋىلدان كوشپەلى ءۇي اۋدارىلىپ، اناسى مەن قىزى قازا تاپتى، دەپ حابارلادى سەنت-مارتين اۋىلىنىڭ شەريفى ءوزىنىڭ Facebook پاراقشاسىندا.
اسسوشيەيتەد پرەسس اگەنتتىگىنىڭ حابارلاۋىنشا، لۋيزياناداعى وقيعا ا ق ش- تىڭ وڭتۇستىك جاعالاۋىنداعى الاپات داۋىلدىڭ سالدارىنان بولعان.
اركانزاس پەن ميسسيسيپي شتاتتارىنىڭ جەكەلەگەن اۋداندارىنا دا قاتتى جەلدەن قاۋىپ ءتونىپ تۇر، دەپ حابارلايدى اگەنتتىك.
«داۋىل كەزىندە ءۇي ىشىندە بولعان 38 جاستاعى ايەل مەن ونىڭ ءۇش جاسار قىزى مەرت بولدى»، - دەلىنگەن الەۋمەتتىك جەلىدەگى حابارلامادا.
