ءازىل-سىقاقشىلاردىڭ رەسپۋبليكالىق بايقاۋى ءوتتى
شارا بارىسىندا اۋدان اكىمى قايراتبەك اۋباكىر ۇلى قازاق ساتيراسىنا ەلەۋلى ۇلەس قوسقان تالانتتى اكتەردىڭ ونەر جولى مەن شىعارماشىلىعىن ەسكە الىپ، «تاماشا» تارلانىنىڭ ەسىمىن ۇلىقتاۋ، سونداي-اق بۇگىنگى جاستار اراسىندا ساتيرا ونەرىنە دەگەن وڭ كوزقاراستى قالىپتاستىرۋ ماقساتىندا ۇيىمداستىرىلعان بايقاۋ قاتىسۋشىلارىنا ساتتىلىك تىلەدى.
ساتيريك، قازاقستان رەسپۋبليكاسىنىڭ ەڭبەك سىڭىرگەن قايراتكەرى كوپەن امىربەك قازىلار القاسىنا ءتوراعالىق ەتتى.
بايقاۋعا قىزىلوردا، وڭتۇستىك قازاقستان، اقتوبە جانە جامبىل وبلىستارىنان بارلىعى 9 ءازىل-سىقاق وتاۋى قاتىسىپ، ءوز ونەرلەرىن كورسەتتى.
ساتيرا كەشىنىڭ قورىتىندىسى بويىنشا، باس جۇلدەنى قارماقشى اۋدانىنان كەلگەن «دۋمان» حالىقتىق ءازىل-سىقاق وتاۋى، I ورىندى جامبىل وبلىسىنىڭ «كۇلكى شاڭىراق» حالىقتىق ءازىل-سىقاق وتاۋى، II ورىندى قىزىلوردا قالاسىنىڭ «مەرەكە دۋمان» حالىقتىق ءازىل-سىقاق وتاۋى، III ورىندى شيەلى اۋدانى «قىتىق» ءازىل-سىقاق وتاۋى يەلەندى. ولارعا اۋدان اكىمىنىڭ العىس حاتتارى مەن اقشالاي سىيلىقتار تابىستالدى.
اۆتور: ەلۋباي اۋەزوۆ
