08:00, 03 - ءساۋىر 2017 | GMT +5
كانادادا اۆتوموبيلدەر «زيراتى» ميلليون دوللارعا ساتىلۋدا
استانا. قازاقپارات - كانادانىڭ بريتانيالىق كولۋمبيا پروۆينتسياسىندا 2 گەكتار جەردى الىپ جاتقان اۆتوموبيلدەر «زيراتى» ساتىلىمعا قويىلدى.
حابارلاما Century 21 ريەلتورلىق كومپانياسىنىڭ سايتىنا ورنالاستىرىلعان، دەپ حابارلايدى قازاقپارات «لەنتا. رۋ» - عا سىلتەمە جاساپ.
340 تان استام ماشينا، جەر مەن عيمارات 1,45 ميلليون كانادالىق دوللارعا (1 ميلليونعا جۋىق اقش دوللارى) ساتىلۋدا. اۆتوموبيلدەر اراسىندا قاراپايىم جانە سيرەك كەزدەسەتىن كولىكتەر بار. ولاردىڭ قۇنى 375 دوللاردان باستالىپ 26 مىڭعا دەيىن بارادى.
زيراتتىڭ 60 جاستاعى يەسى مايك حولل (Mike Hall) ماشينا جيناۋمەن 20 جاسىنان باستاپ اينالىسقان. ول وزگە جۇمىسىنا بايلانىستى قالاعان بارلىق كولىكتەردى قالپىنا كەلتىرىپ ۇلگەرمەي جاتقاندىقتان، جەردى ساتۋعا ۇيعارعان.
