16:19, 02 - ءساۋىر 2017 | GMT +5
گولوۆكيندى جەڭە الاتىن تاعى ءبىر بوكسشىنىڭ ەسىمى اتالدى
استانا. قازاقپارات - بريتاندىق بوكسشى ەنتوني فاۋلەر ءوزىنىڭ وتانداسى كارل فروچتى (33-2, 24 ك و) قازاقستاندىق بوكسشى گەننادي گولوۆكيندى جەڭىپ كەتە الادى دەپ ەسەپتەيدى.
بۇل تۋرالى Sports.kz حابارلايدى.
فروچ پەن فاۋلەر سپاررينگ كەزدەسۋ وتكىزگەننەن كەيىن ەنتوني ءوزىنىڭ تۆيتتەردەگى پاراقشاسىندا: «كارل، سەن حايۋانسىڭ! ساعان قارسى تۇرۋعا ءتىپتى GGG- ءدىڭ مۇمكىندىگى جوق»، - دەپ جازىپ قويدى.
ەسكە سالايىق، وتكەن كۇزدە گولوۆكين مەن فروچتىڭ جەكپە-جەگى تۋرالى قاۋەسەت تارادى. الايدا بۇل اقپارات سول كۇيى راستالعان جوق. ءوز سۇحباتىندا فروچ GGG- ءدىڭ قارسىلاستارىن سىناپ، ونى وڭاي جەڭىپ كەتەتىنىن مالىمدەگەن.
