سەربيادا پرەزيدەنت سايلاۋى وتۋدە
داۋىس بەرۋشىلەر 11 ۇمىتكەردىڭ اراسىنان ەلدى بەس جىل بويى باسقاراتىن كانديداتتى تاڭدايدى، دەپ حابارلايدى ت ا س س.
سايلاۋعا ەلدىڭ 6,7 ميلليون ازاماتى قاتىسۋعا قۇقىلى. رەسپۋبليكالىق سايلاۋ كوميسسياسىنان حابارلاعانداي، بارلىعى 8523 سايلاۋ ۋچاسكەسى، سونىڭ ىشىندە كوسوۆو جانە مەتوحيا اۆتونوميالىق ولكەسىنىڭ اۋماعىندا 90 ۋچاسكە جۇمىس ىستەيدى. قوعام اراسىندا جۇرگىزىلگەن ساۋالناما ناتيجەسىنە سايكەس، حالىقتىڭ 54,3 پايىزى سەربيانىڭ قازىرگى پرەمەر-ءمينيسترى الەكساندار ۆۋچيچتى قولداپ وتىر.
ەكىنشى ورىندا بۇرىنعى ومبۋدسمەن ساشا يانكوۆيچ («ۇرەيسىز سەربيا» ازاماتتار توبى) (سايلاۋشىلاردىڭ %12,8 ى) تۇر. ءۇشىنشى ورىندى ليۋبيشا پرەلەتاچيەۆيچ بەلىي لاقاپ اتىمەن كەڭىنەن تانىلعان الەۋمەتتانۋشى-ستۋدەنت لۋكا ماكسيموۆيچ (%9,5) يەلەنگەن. سەربيا پارلامەنتتىك رەسپۋبليكا بولىپ تابىلادى، بۇل ەلدىڭ مەملەكەت باسشىسى نەگىزىنەن وكىلەتتىك ەتۋ فۋنكتسيالارىن اتقارادى.
