شىمكەنتتە نوسەر جاۋىننان كوشەلەر مەن اۋلالار سۋعا تولىپ كەتتى - كەسكىن

شىمكەنت. قازاقپارات - شىمكەنتتە نوسەر جاۋىننان كوشەلەر مەن اۋلالار سۋعا تولىپ كەتتى.

جاياۋ جۇرگىنشىلەر مەن كولىكتەر جولدان وتە الماي، ابىگەرگە تۇسكەن، دەپ حابارلايدى قازاقپارات ح ا ا ءتىلشىسى.

ءبىر ساعاتقا سوزىلعان جاۋىننان جينالعان سۋ ارىققا سىيماي، كوشەلەر مەن اۋلالاردى باستى. قىزىل سۋدان كولىكتەر ارەڭ قوزعالىپ، جولداردى اينالىپ وتۋگە ءماجبۇر بولدى. اق جاڭبىر قوزعالىسقا دا كەسىرىن كەلتىرمەي قويمادى.

اسىرەسە، ارعىنبەكوۆ، تۇركىستان، تەمىرلان تاس جولى سياقتى ءبىرقاتار كوشەلەردەن سۋ ارىقتاپ اقتى. ازىرگە قانشا ۇيگە سۋ كىرىپ، شىعىن كەلگەنى بەيمالىم.

دەسە دە، نوسەر جاۋىننىڭ سالدارىن تۇرعىندار الەۋمەتتىك جەلىلەرگە سالعان. ال، سينوپتيكتەر بولسا وڭىردە تاياۋ كۇندەرى نوسەر جاۋىن جاۋىپ، تاسقىن بولۋى مۇمكىن دەپ ەسكەرتەدى. 3-4- ساۋىردە كۇن قاتتى سۋىتىپ، اياز بولۋى مۇمكىن.