09:36, 02 - ءساۋىر 2017 | GMT +5
عالىمدار: جالعىزسىرايتىن جاندار سۋىق تيگەندە باسقالارعا قاراعاندا ءوزىن الدەقايدا جايسىز سەزىنەدى
استانا. قازاقپارات - ا ق ش- تىڭ تەحاس شتاتى حيۋستون قالاسىنداعى رايس ۋنيۆەرسيتەتى جاڭا زەرتتەۋ جۇرگىزىپ، وعان 18-55 جاس ارالىعىنداعى 159 ادام قاتىستى.
ەرىكتىلەردىڭ ءبارى بويداق بولعان. عالىمدار ولاردىڭ بارىنە تۇماۋ جۇقتىرعان جانە ولاردان قوعامنان وقشاۋلانۋعا كەلىسۋىن سۇراعان، دەپ حابارلايدى UPI.com.
وسىدان سوڭ قاتىسۋشىلاردى قوناق ۇيلەردىڭ بولمەلەرىنە كارانتينگە جاپقان. عالىمدار ەرىكتىلەردى ەكى-ءۇش كۇن بويى باقىلاعان. ناتيجەسىندە، ولاردىڭ شيرەك بولىگى تۇماۋمەن اۋىرعان.
ال قوعامنان وقشاۋلانۋ اۋرۋدىڭ جۇعۋ كورسەتكىشىنە اسەر ەتپەگەن. الايدا عالىمدار اۋرۋ سيمپتومدارى اراسىنداعى وزگەشەلىكتى بايقاعان. قوعامنان، اينالاسىنداعى ادامداردان كومەك، قولداۋ كۇتىپ تۇراتىن، جالعىزسىرايتىن ادامداردا اۋرۋ سيمپتومدارى قوعامنان وقشاۋلانۋدان قورىقپايتىن جاندارعا قاراعاندا الدەقايدا اۋىر بولعان.
