سەمەيدە سۋ شايىپ كەتكەن كوپىر قالپىنا كەلتىرىلۋدە

استانا. قازاقپارات - سەمەيدە تاسقىندى سۋ بۇزىپ كەتكەن كوپىردى جوندەۋ جۇمىستارى جۇرگىزىلۋدە.

سۋىق باستاۋ كەنتىنە باراتىن جولداعى وتكەل كەشە تاسقىنعا توتەپ بەرە الماي، ەلەۋلى زارداپ شەكتى. وسى ۋاقىتتا قۇرتوعان وزەنىنىڭ دەڭگەيى ءبىرشاما تومەندەدى. قازىر بۇل جەرگە 7 تەحنيكا مەن 15 ادام جۇمىلدىرىلعان.

بيلىك وكىلدەرى قاۋىپ سەيىلمەگەندىكتەن كۇندىز-ءتۇنى باقىلاۋ ۇزىلمەيتىنىن ايتادى.

«قىزىل سۋ كوپىردىڭ سول جاعىن شايىپ كەتتى. بۇگىن وزەننىڭ ەكپىنى ءالى جوعارى ەكەنىن كورىپ وتىرمىز. قازىر تۇرعىندار سۋىق باستاۋ كەنتىنە جولامان اۋىلىنان ءتۇسىپ قالىپ، كوپىردەن جاياۋ وتەدى دە، ودان ءارى باسقا اۆتوبۋستارعا وتىرىپ قاتىناۋعا ءماجبۇر. مۇنىڭ ءبارى حالىقتىڭ قاۋىپسىزدىگى ءۇشىن»، - دەيدى سەمەي قالاسى اكىمىنىڭ ورىنباسارى نيكولاي ۋشاكوۆ.

«حابار 24» ارناسى.