باقىتتى بولۋدىڭ قاراپايىم تاسىلدەرى

استانا. قازاقپارات -  ومىردە بارلىعى ادامنىڭ ءوز ويىنا قاتىستى ەكەنىن جازعانبىز. ومىرگە وكپە ارتا بەرسەك، ءبىزدىڭ ءار شاعىمىمىزدى مي ارمان دەپ قابىلداپ، سوعان قاراي جاقىنداي بەرەدى. سوندىقتان باقىتتى ءوزىمىز الدىمەن ميىمىزدا قۇرۋىمىز كەرەك. مىنا تاسىلدەردى سىناپ كورىڭىز:

☺ «مەن بۇگىن جانىما جايلىلىق سىيلايتىن نە ىستەي الامىن؟ » دەپ ويلانىڭىز.

☺ كۇنىنە 4 كيلومەتر جاياۋ ءجۇرىڭىز. 500 مەتر قازىر، سالدەن سوڭ 500 مەتر جۇرەمىن دەپ ەمەس، تۇتاستاي ورىنداڭىز.

☺ سۋ ءىشىڭىز! اعزاڭىزداعى كۇيزەلىستى وسىلاي دا جۋىپ تاستاۋعا بولادى.

☺ وزىڭىزگە «مەن وسىعان رۇقسات بەرەمىن!» دەپ ءجيى ايتىڭىز.

☺ تاڭەرتەڭ جاقسى كورەتىن ىسىڭىزبەن اينالىسىڭىز. كۇنىڭىز جاقسىلىقپەن باستالسا، اياقتالعانشا سول قالپىن ساقتايدى.

☺ اپتاسىنا ءبىر كۇندى ەشتەڭە ىستەمەۋگە ارناڭىز. جۇمىستارىڭىزدى باسقا كۇندەرى اياقتاپ، ءبىر كۇن بويىنا تەك قانا سۇيىكتى ىستەرىڭىزبەن اينالىسىڭىز. جاقسى كورەتىن كوكتەيلىڭىزدى جاساپ ءىشىپ، جاي عانا كىتاپ وقىپ جاتىڭىز نە فيتنەسكە بارىڭىز، بيلەڭىز. باسقا ەشتەڭە ىستەمەڭىز. بۇل ەڭ ماڭىزدى ءراسىم.

 

Massaget.kz