قازاق اۋەندەرى قىتاي ەستراداسىن جاۋلاپ الدى
دەپ حابارلايدى قازاقپارات ءتىلشىسى.
بۇل كەزەڭدە اراي قازاقتىڭ اتادان الاتىن تاربيەسىن، قازاقتىڭ ۇلكەندى قۇرمەتتەيتىن ءداستۇرىن سۋرەتتەيتىن «اتامنىڭ اقىلى» (爷爷常说) ءانىن ورىندادى. انمەن قاتار، ارايدىڭ قازاقتىڭ ۇلتتىق مۋزىكا اسپابى دومبىرادا ويناپ، جەتىگەننىڭ سۇيەمەلدەۋىندە ورىنداعان قازاقي اۋەنى قىتايلىق كورەرمەندەردىڭ نازارىن اۋداردى. بۇعان دەيىن حابارلاعانىمىزداي، اراي جوبادا «سامالتاۋ» جانە «اجە» ءانى بارشا كورەرمەندەردى ەرەكشە تولقىتقان. سونداي- اق، قازاقستاندىق ۇلتتىق مۋزىكانت رۋسلان كارانىڭ مۋزىكالىق جەتەكشىلىگىمەن، ەجەلگى قازاقتاردىڭ شاماندىق بەلگىلەرىن بەينەلەيتىن «جاۋىن شاقىرۋ ءانىن» ورىندادى.
ايتا كەتەيىك، اراي ايدارحان حۋنان تەلەارناسىنىڭ «Singer 2017» بايقاۋىندا ونەر كورسەتىپ، قىتايعا ەرەكشە تانىمال بولعان قازاقستاندىق ءانشىنىڭ «Singer» جوباسىنداعى مۋزىكالىق پروديۋسەرى. بۇل كۇندە ديماش قۇدايبەرگەن مەن قانداسىمىز اراي ايدارحان قازاق مۋزىكاسىنىڭ قىتايدا بارىنشا تانىمال بولۋىنا ايرىقشا اسەر ەتىپ وتىر.
