تۇرعىن ءۇي جيناق بانكىنەن دەپوزيت اشۋ جەڭىلدەدى

استانا. قازاقپارات - قازاقستاننىڭ تۇرعىن ءۇي قۇرىلىس جيناق بانكى ەندى دەپوزيت اشاردا تۇتىنۋشىدان كوميسسيانىڭ قۇنىن سۇرامايدى. بۇل تۋرالى بانكتىڭ باسپا ءسوز قىزمەتىنەن حابارلادى.

 «بانكتىڭ قۇرمەتتى كليەنتتەرى! كوميسسيا تولەمەي، دەپوزيت اشىڭىزدار! 2017 -جىلدىڭ 3 - ساۋىرىنەن باستاپ تۇرعىن ءۇي قۇرىلىس جيناقتارى تۋرالى جانە كەلىسىمشارتتاعى اقشانى كوبەيتۋ تۋرالى كەلىسىم جاسالعاندا، كوميسسيا مۇلدە الىنبايدى. بۇگىن «تۇرعىن ءۇي قۇرىلىس جيناق بانكى» ا ق ديرەكتورلار كەڭەسىنىڭ وتىرىسىندا وسىنداي شەشىم قابىلداندى»، - دەپ حابارلادى بانكتىڭ باسپا ءسوز قىزمەتى.

ايتا كەتەيىك، بۇرىن بانكتەن دەپوزيت اشاردا كەلىسىمشارتتىڭ 0,55 پايىزى كولەمىندە كوميسسيا الىناتىن.

اۆتور: كەنجەكەي توقتامۇرات قىزى